अॅथन वाझ, अस्मिता रे हांकां बुद्दीबळांत वस्तादपण

भांगरभूंय | प्रतिनिधी

अखील गोंय 15 वर्सां पिराये सकयले राज्य निवड चांचणी बुद्दीबळ सर्तीच्या उक्त्या गटांत साश्टीच्या अॅथन वाझान वस्तादपणा सयत रत्ना मुरारी भट यादस्तीक करंड जिखलो. चलयांच्या गटांत मुरगांवची अस्मिता रे जैतिवंत थारली. तिका गोदावरी पी केणी यादस्तीक करंड फावो जालो.

उक्त्या गटांत व्हिव्हान बाळ्ळीकार उपवस्ताद थारलो. जाल्यार अॅड्रीक वाझाक तिसरी सुवात फावो जाली. जॉय काकोडकाराक चवथी, एडेन सावियो ग्राओक आनी लव्ह काकोडकार हांकां वळेरेन पांचवी आनी सवी सुवात फावो जाली.

चलयांच्या गटांत नेत्रा सावयकार उपवस्ताद थारली. सानी गांवस, अलाना आंद्राद श्रीया पाटील आनी राचेल परेरा हांकां वळेरेन तिसरी ते सवी सुवात फावो जाली.

पिराय गटांतल्या उक्त्या गटांतल्या 7 वर्सां पिराये सकयल्या गटांत व्हिव्हान तारी, प्रयांक गांवकार, 9 वर्सां पिराये सकयल्या गटांत शुभ बोरकार, सरस पोवार, 11 वर्सां पिराये सकयल्या गटांत आश्मन नायक देसाय, साईराज नार्वेंकार, 13 वर्सां पिराये सकयल्या गटांत अली अमानत, अनिकेत एक्का हांकां, जाल्यार चलयांच्या 7 वर्सां पिराये सकयल्या गटांत श्रीया बांदोडकार, श्राव्या चौधरी, 9 वर्सां पिराये सकयल्या गटांत रोचेल परेरा, जेन्सिना सिक्वेरा, 11 वर्सां पिराये सकयल्या गटांत मैझाह सय्यद, लिया सिल्वेरा, 13 वर्सां पिराये सकयल्या गटांत वालंका फर्नांडीस, पुष्टी भोसले हांकां इनामां फावो जालीं.

उक्त्या गटांतलीं इनामां भगवती भट हांणी आपली आवय रत्ना मुरारी भट हांच्या उगडासाक, जाल्यार चलयांच्या गटांतलीं इनामां आशेश केणीन आपली आजी गोदावरी पुरुषोत्तम केणी हांच्या उगडासाक पुरस्कृत केल्ली.

इनामां भेटवण सुवाळ्याक भगवती भट, गोंय बुद्दीबळ अस्थायी समितीचे निमंत्रक सचिन आरोलकार, तिसवाडी तालुको चेस संघटनेचे अध्यक्ष आशेश केणी, उपाध्यक्ष दामोदर जांबावलीकार, सचीव सुनील बाळ्ळीकार, वांगडी निलेश शिरोडकार, आशा शिरोडकार, प्रशिक्षक स्टॅण्ड्रिक कुलासो हे उपस्थीत आशिल्ले.