भांगरभूंय | प्रतिनिधी
मोरजेच्या टॅक्सी वेवसायिकांची नेटाची मागणी
भांगरभूंय । प्रतिनिधी
पेडणें : बेरोजगार सुशिक्षीत तरणाट्यांक नोकऱ्यो दिवपाक सरकार अपेशी थारलां. ह्या वेवसायांत आमी सुशिक्षीत तरणाटे देंवल्यात. हो वेवसाय सांबाळपाक सरकारान आमकां आदार करचो. हो एकूच वेवसाय थळाव्यांच्या हातांत आसा. अॅग्रिगेटर अॅप आमकां नाकाच. ताका आमचो खर विरोध आसा. हो अॅप तत्काळ रद्द करचो. हो टॅक्सी वेवसाय बिगर गोंयकारांच्या हातांत दिवपाचो सरकारान यत्न केलो जाल्यार आमी ओगी बसचे नात, अशी शिटकावणी मोरजेच्या सुमार 200 टॅक्सी वेवयिकांनी बागवाडो मोरजेच्या श्री दत्त मंदीर सभाघरांत सोमारा 2 मेक आयोजीत केल्ले सभेंत दिली. उत्तम बांदेकार, निलेश शेटगांवकार, नितेश टेंबकार, नितेंद्र शेटगांवकार, संजय कोले ह्या टॅक्सी वेवसायिकांनी अॅग्रिगेटर अॅपाक खर विरोध केलो. सरकारान आमच्यो समस्या आयकून घेवन त्यो सोडवच्यो. टॅक्सी वेवसायीक लोकांक फटयतात, असो जे लोक आरोप करतात, तातूंत कांयच खरेंपण ना. तकट्याचेर दिल्ल्या दरा प्रणाणूच आमी भाडें घेतात. केन्नाच प्रवाश्या कडल्यान चड भाडें घेनात, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
