भांगरभूंय | प्रतिनिधी
अहमदाबाद, खबरां संस्था: गुजरात पुलिसांच्या आतंकवादी विरोधी पंगडान (एटीएस) सोमारा अहमदाबाद विमानतळा वयल्यान ४ आयसीस आतंकवाद्यांक अटक केली. हे चवगूय मुळचे श्रीलंकेचे. ते अहमदाबादाक येवपाचें कारण आनी कोणाच्या संपर्कांत आशिल्ले हाचो एटीएस तपास करतात.
मजगतीं, मंगळार आनी बुधवारी अहमदाबादच्या नरेंद्र मोदी स्टेडियमाचेर आयपीएलच्यो २ मॅची जातल्यो. ताका लागून क्रिकेटर्सूय अहमदाबादाक पावल्यात. आयपीएल मॅचींत कितें घातपात घडोवन हाडपाचो तांचो हेत आसलो काय? असोय एटीएस तपास करतात. आदीं ६ मेक अहमदाबादांत ३६ शाळांक बॉम्बची धमकी मेळिल्ली. ही धमकी ई-मेला वरवीं दिल्ली. मात खंयचेच शाळेंत कांयच मेळूंक ना. धमकीचे ई- मेल पाकिस्तानांतल्या धाडिल्ल्याचो दावो अहमदाबाद क्राइम ब्रँचान केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
