भांगरभूंय | प्रतिनिधी
राज्य मंत्रिमंडळाचे बसकेंत निर्णय
मुंबय, खबरां संस्था ः अहमदनगराचें नांव बदलपाची मागणी खूब दिसां सावन जाताली. निमाणें सरकारान हे बाबतींत व्हडलो निर्णय घेतला. राज्य सरकाराचे जाल्ले मंत्रीमंडळ बसकेंत अहमदनगर शाराचें नांव बदलून ‘पुण्यश्लोक अहिल्यादेवी नगर’ दवरपाक मान्यताय मेळ्ळ्या.
अठराव्या शेंकड्यांतल्या मराठा राणी अहिल्याबाई होळकार हांचे नांवा वयल्यान अहमदनगर शाराक ‘पुण्यश्लोक अहिल्यादेवी नगर’ अशें नांव दिवपाची घोशणा मंत्रीमंडळान केली.
मुंबयच्या 8 रेल्वे स्टेशनांचे नांव बदलपाक मान्यताय
राज्य मंत्रीमंडळाचे जाल्ले बसकेंत मुंबयच्या 8 रेल्वे स्टेशनांचींय नांवां बदलपाचो निर्णय घेतला. ह्या रेल्वे स्टेशनांक ब्रिटीश काळांतलीं नांवां आसात. पूण आतां ती बदलतले. मेळिल्ले म्हायती प्रमाण, करी रोड रेल्वे स्टेशनाचे नांव लालबाग, सॅन्डहर्स्ट रोड रेल्वे स्टेशनाचे नांव डोंगरी, मरीन लायन्स रेल्वे स्टेशनाचे नांव मुंबादेवी, चर्नी रोड रेल्वे स्टेशनाचें नांव गिरगांव, कॉटन ग्रीनाचें नांव काळा चौकी, डॉकयार्डाचें नांव माझगांव, किंग्स सर्कल रेल्वे स्टेशनाचें नांव तिर्थकर पार्श्वनाथ आनी मुंबय सेंट्रल रेल्वे स्टेशनाचें नांव नाना जगन्नाथ शंकर शेट अशें बदलतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
