भांगरभूंय | प्रतिनिधी
म्हापशें : अस्नोड्यां नव्या वर्साच्या दुसर्याच दिसा शुक्रार, 2 जानेवारीक भिरांकूळ अपघात जालो. हातूंत एकल्याक मरण आयलें जाल्यार दुसरी गंभीर जखमी जाल्या. प्रवासी बसीन मोटारसायकलीक धपको दिल्ल्यान दुचाकी चालक लक्ष्मीकांत शेटकार (45, रा. खोर्जुवें, बार्देस) हाका मरण आयलें. जाल्यार तांची घरकान्न स्मृती शेटकार (38) गंभीर जखमी जाली.
हे विशीं चड म्हायती प्रमाण, शेटकार हे मोटारसायकली वेल्यान घरकान्नी सयत दिवचलचे दिकेन वताले. सत्पुरुष- सौ. आनंदी (जीए 03 एन 6019) ही बस विरुद्ध दिकेन येताली. शुक्रारा सकाळच्या सुमार पावणें आठांक अस्नोडच्या खेळां संकुला लागसारच्या चॅपेला मुखार हो अपघात जालो. हातूंत लक्ष्मीकांत हाका मरण आयलें. गंभीर जखमी जाल्ली स्मृती शेटकार हांकां म्हापशें जिल्लो हॉस्पिटलांत दाखल केल्या. थंयच्यान तिका गोमेकाँत हालयली. कोलवाळ पुलिसांनी बस चालक दुबावीत तुकाराम सावंत (माशेल) हाका ताब्यांत घेतले, हे विशीं पुलीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
