अस्तित्व

भांगरभूंय | प्रतिनिधी

डॉ. रामाचें तपासून जाल्लें खरें पूण अस्तुरेचीं तीं भावनीक उतरां आयकून ते साप्प गळसणल्ले. तांकां आपल्या सगल्यां फाटल्या यादींचो उगडास जालो. एक- एक प्रसंग दोळ्यां सामकार नाचूंक लागिल्ले.

–

डॉ. राम हे एक नामनेचे काळजां दुयेंसाचे दोतोर. तांचें खाशेंलपण म्हणल्यार सान भुरग्यांच्या काळजांचीं ऑपरेशनां करप,  भारतांत लेगीत एकमेव अशे दोतोर म्हूण तांचे कडल्यान उपचार घेवपाक विदेशांतल्यान लेगीत दुयेंतीं येताले. डॉ राम नास्तीक आशिल्ले. लोकप्रियतेचे धनी आशिल्ल्यान देव- देवतेचेर ताचो विश्वास नाशिल्लो. आयज ते बेगीन कोसुल्दरेंत आयले, कारण सांजे वेळार तांकां विमानान दुसऱ्या राज्यांत वचूंक जाय आशिल्लें. ऑल इंडिया मॅडिकल असोशियेशन तांचो सत्कार करपाचें आसलें. 

ते थारायिल्ल्या भशेन जेवण करून भायर सरले आनी विमानतळार गेले. थंय ताका समजलें, आयज ताचें विमानाक तांत्रीक अडचण आशिल्ल्यान उडपाक कळाव जातलो. ते तशेच भायर सरले. टॅक्सी केली. पावपाक पांच वरां लागतली म्हूण चालकान सांगलें. ते प्रमाण तांची भोंवडी सुरू जाली. जशी मोटार धांवपाक लागली सांजवेळ जावन काळोख जालो. आनी अचकींत श्रावणातलो पावस पडपाक सुरवात जाली. पावसान चडूंच नेट धरिल्लो. मुखार कांयच रस्त्यार झळक नाशिल्लें. आनी दोताराक खूब भूक लागिल्ली. जशी मोटार काळखांत धांवताली. 

इतल्यांत तांकां पयस इल्लोसो उजवाड फांकिल्लो दिसलो. तांणी चालकाक मोटार त्या उजवाडाचे दिकेन व्हरपाची सुचोवणी चालकाक केली. थंय एक ल्हानशें घर आशिल्लें. दोतोरान धाडस करून दारार हात मारलो. एके अस्तुरेन दार उगडलें. दोतोरान तिका आपली घडिल्ली गजाल सांगली. तशेंच आपल्याक पावस थांबसर रावपाक दी म्हणपाची विनवणी केली. तिणें कसलोच विचार करी नासतना तांकां घरांत भितर घेतले. कदेल दिवन बसपाक सांगून ती खावपाक हाडपाक गेली. दोतारान घरांत अशींच नदर भोंवडायली. तिची परिस्थीती खूब गरीब आशिल्ली. हें ताच्या लक्षांत आयलें. इतलें म्हणसर ती अस्तुरी भाकरी घेवन आयली. दोतोर भाकरी खातना ताका एका धाकटुल्या भुरग्यांक रडपाचो आवाज आयलो.

कोण भुरगें रडटा भितर? ताणें अस्तुरेक प्रस्न केलो.

तें म्हजें दोन वर्सांचें बाय? जाप दितना तिच्या दोळ्यांतल्यान दुकां गळ्ळीं.

कितें जाला ताका, कित्याक रडटा तें अशें? हांव चेक करून पळोवं ताका, तूं भियेनाका, हांव एक भुरग्यांचो दोतोर.

तिचो हयकार घेवन डॉ राम सरळ कुडींत गेलो. माणकुल्या चलयेक तपासपाक लागलो.

म्हज्या बायक जल्मा सावन एक ल्हानशें दुयेंस आसा. ताका सगळीं वखदां केलीं. पूण गूण आयलो ना. निमाणें गांवांतल्या एका दोतोर सल्लो दितना सांगलें. ह्या दुयेंसाचेर उपचार फकत डॉ. राम हेच करपाक शकता. शारांत तांचें व्हड हॉस्पिटल आसा. तांची फी तशी सामान्यांक परवडपा सारकी ना. दोतोराची तीं उतरां आयकून हांवें बायेक देवा सामकार व्हेलें. त्या दिसा आशाढी एकादस आशिल्ली. देवते, हांव हें बाळक तुज्या पायां कडेन सोंपयता. तूंच ताचो सांबाळ कर ?

डॉ. रामाचें तपासून जाल्लें खरें पूण अस्तुरेचीं तीं भावनीक उतरां आयकून ते साप्प गळसणल्ले. तांकां आपल्या सगल्यां फाटल्या यादींचो उगडास जालो. एक- एक प्रसंग दोळ्यां सामकार नाचूंक लागिल्ले. तें विमान, ती मोटार, तो उजवाड आनी तें घर…

तांणी ते अस्तुरेक म्हणलें, – तुमी म्हाका वळखनात. हांव डॉ राम. हांवूंच तो दोतोर जाका लोक उपचारा पसत रावतात. आमच्या हॉस्पिटलांत गर्दी आसता. म्हाका दुयेंतीक पळोवंक वेळ नासता. तरीय आयज तुजे धुवेन म्हाका आपल्याक तपासपाक तुज्या घरा हाडलो. आयज सावन हांव देवाक शरण वता. देव तुमकां खंयच्या रुपांत आपलें अस्तित्व दाखयत सांगूं नज.

आयज सावन हांव ह्या माणकुल्याचेर उपचार करतलों. अशें सांगून डॉ रामा त्या चलयेक वेंगांत घेतलें. तिका वेंगांत घेवनच घरांतल्यान परतले. हॉस्पिटलांचो मार्ग धरलो. त्या माणकुल्याचेर उपचार करपाक…

भूषण शियवयकार

9921347730