भांगरभूंय | प्रतिनिधी
कोलकाता, खबरां संस्था ः अस्तंत बंगालांतल्या वेगवेगळ्या जिल्ह्यांनी आतां मेरेन व्हड पावसाक लागून 12 जाणांक मरण आयलां. उदेंत वर्धमानांत वीज पडून 5 आनी अस्तंत मेदिनीपूर आनी पुरुलियांत दरेकी 2 जाणांक मरण आयलें. नादिया हांगा वण्टी कोसळून दोन जाणांक मरण आयलें जाल्यार दक्षीण 24 परगणांत झाडां पडून एकल्याक मरण आयलें.
10 मे मेरेन राज्यांत अशींच वादळाची शक्यताय आसतली असो अदमास हवामान खात्यान उक्तायला. सोमारा सावन राज्यांतल्या जायत्या वाठारांनी व्हड प्रमाणांत पावस पडटा. सोमारा (6 मे) उश्णतायेचे ल्हार आशिल्ले कोलकाता सयत राज्यांतल्या जायत्या जिल्ह्यांनी मध्यम ते चड पावस पडलो. हाका लागून तापमान व्हड प्रमाणांत देंवले.
हवामान खात्यान दिल्ले म्हायती प्रमाण, दक्षीण झारखंडाचेर चक्रीवादळाचें परिभ्रमण तयार जाल्ल्यान आनी बंगालच्या उपसागरात ओलसाण वाडिल्ल्यान अस्तंत बंगालाच्या हवामानांत बदल जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
