भांगरभूंय | प्रतिनिधी
पणजी: जेनो फार्मास्युटिकल्स प्रायव्हेट लिमिटेडचे वेवस्थापकीय संचालक डॉ. सागर साळगांवकार हांणी असोचॅम (द असोसिएटेड चेंबर्स ऑफ कॉमर्स अँड इंडस्ट्री ऑफ इंडिया) गोंय राज्य परिशदेचे अध्यक्ष म्हणून पदभार स्विकारला. उमंग सॉफ्टवेअर टॅक्नॉलॉजीज प्रायव्हेट लिमिटेडचे सीईओ, मांगीरीश सालेलकार हांणीय सह-अध्यक्ष म्हणून पदभार हातांत घेतला. ही नियुक्ती युनो मिंडाचे कार्यकारी अध्यक्ष आनी असोचॅम इंडियाचे नवे अध्यक्ष निर्मल मिंडा हांच्या नेतृत्वा खाला केल्या.
राज्य परिशदेचे आदले सह-अध्यक्ष ह्या नात्यान, डॉ. साळगांवकार हांणी उद्देग, सरकार आनी नागरी समाज हांचे मदली धोरणात्मक भागीदारी घटमूट करपाक म्हत्वाची भुमिका केल्या. जाका लागून गोंयच्या समाजीक-अर्थीक उदरगतींत म्हत्वाचें योगदान मेळ्ळां. हे नवे भुमिके विशीं उलयतना डॉ. सागर साळगांवकार हांणी, आमच्या चालू उपक्रमां वांगडा आमी शिक्षण, पर्यटन, शाश्वतता, पर्यावरण, स्टार्ट-अप्स आनी एमएसएमई अश्या नव्या उदरगतीच्या मळांचेर लक्ष घालुया, जाका लागून वेवसायांत सुलभताय वाडटली आनी गोंयांत ‘मेक इन इंडिया’ चालीक लागतलें. तशेंच राज्यांत रोजगार आनी वेवसायाच्यो संदी निर्माण करपाक हेर वेपारी संस्था कडेन आमी आमचो सहयोग चालूच दवरतले.
सह-अध्यक्ष म्हणून आपले विचार मांडटना मांगिरिश सालेलकार हांणी सांगलें, आमचें ध्येय गोंयांक एक अशें केंद्र करप आसा, जंय तंत्रज्ञान, शाश्वतता आनी उद्देजताय एकठाय काम करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
