भांगरभूंय | प्रतिनिधी
शिरुर, खबरां संस्था: अष्टविनायक म्हामार्गाचेर शिरुर (महाराष्ट्र) म्हालांतल्या कवठे यमाई गांवांत ट्रक आनी टँकरा मदीं जाल्ल्या अपघातांत एकाच कुटुंबांतले आवय, पूत आनी नातू हांकां आक्ताक मरण आयलें. मरण आयिल्ल्यां मदीं ३८ वर्सां पिरायेचो ज्ञानेश्वर मकाजी वाजे, ६८ वर्सां पिरायेची शांताबाई आनी तिचो ५ वर्सांचो नातू युवांश हांचो आस्पाव आसा.
ज्ञानेश्वर हे आवय आनी आपल्या पुता वांगडा मुंबयच्यान दूद येरादारी करपी टँकरांतल्यान गांवाक वताले. फांतोडेर टँकरान माल व्हरपी ट्रकाक धपको दिलो. हो धपको इतलो नेटान बसलो, टँकर सरळ ट्रका भितर घुसलो. अपघाता उपरांत जखमींक ट्रकांतल्यान भायर काडले. तांकां रोखडेच हॉस्पिटलांत व्हेले.
सानुल्या युवांश हाका जाग्यारूच मरण आयिल्लें. जाल्यार शांताबाई आनी ज्ञानेश्वर हांका उपचारा मजगतीं मरण आयलें. टँकर चालक जखमी जाला. ताचेर सध्या हाौस्पिटलांत उपचार सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
