भांगरभूंय | प्रतिनिधी
पणजी : ‘अशोक बोरकार : काव्यमैफली’चो 237 वी कार्यावळ आगळी थारली. हातूंत एका परस अक उत्कृश्ठ कविता सादर जाल्योच तशेंच संवसारीक महिला दिसा निमतान ह्या वेळार आपल्या वेवसायीक मळार जिद्दीन पांय करपी महिला उद्देजक शोभा धामस्कार आनी गायत्री हळबे हांचो साहित्यीक मेघना कुरुंदवाडकार हांचे हस्तुकीं भोवमान केलो. तशेंच काव्यमैफलीची ज्येश्ठ वांगडी दया मित्रगोत्री आनी चित्रा क्षीरसागर हांचोय काव्यमैफलीची संस्थापक कविता बोरकार हांचे हस्तुकीं भोवमान केलो.
महिला दिसा निमतान साहित्यीक चित्रा क्षीरसागर हांचें प्रेरणा दिवपी व्याख्यानाचें आयोजन केल्लें. बायलांनी खंयच्याच खिणाक हार मानिनासतना आपलो प्रवास चालू दवरचो, अशें तांणी व्याख्यानांत सांगले. होळी सणा निमतान वैसाली व्हरकट हांणी खेळांचें आयोजन केल्लें. ते उपरांत दुसऱ्या सत्रांत सुरू जाल्ले काव्यमैफलींत एका परस एक उत्कृश्ठ कवितांनी ती सजत गेली. प्रसाद सावंत, पंढरीनाथ लोटलीकार, अभय सुराणा, हनुमंत मावजो, राजेंद्र मेंगाने, डॉ. संजय गायकवाड, कविता बोरकार, शोभा धामस्कार, दया मित्रगोत्री, चित्रा क्षीरसागर, आमोद कुलकर्णी, उषा कामत, प्रकाश क्षीरसागर, मेघना कुरूंदवाडकर, स्मिता तिंबलो, रजनी रायकार, डॉ. श्यामा सिंगबाळ, पुष्पा गायतोंडे, माणिक आळवे हांच्या कवितांक उत्स्फूर्त प्रतिसाद मेळ्ळो.
बाल कवी प्रथन सावंत हांणी सादर केल्ली कविता उद्बोधक आशिल्ली. नवी वांगडी मंजिरी वाटवे आनी वर्षा साठे शिंक्रे हांणी हांणी पयलेच खेपे आपल्यो कविता सादर केल्यो. समर मुर्रेनवी, अमेय नायक, शाबलो पर्रेकर, उमेश नायक, वैशाली व्हरकट, रेशम झारापकार, बबीता नार्वेकार, मीना रेडकार, स्मिता वेर्णेकार, अजय जेवळीकर, कविता आमोणकार हांच्या कवितांक रसिकांनी भरभरून दाद दिली. दिवली पेटोवन कार्यावळीची सुरवात जाली. ओळख रेशम झारापकार, बबीता नार्वेकार, रजनी रायकार आनी कविता बोरकार हांणी मानेस्तांची वळख करून दिली. कविता आमोणकार हांणी सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
