भांगरभूंय | प्रतिनिधी
भांगरभूंय । प्रतिनिधी
फोंडेंः किर्लपाल पंचायत वाठारांतल्या तरणाट्यांनी आयोजीत केल्ले दुसरे दाबाळ क्रिकेट लीग सर्तींत अलिशा स्ट्रायकर्स पंगडान वस्तादपण मेळयलें. तांणी फायनलींत डीबी-11 पंगडाक हारयलें. इनाम म्हणून ताकां रोख 30 हजार जाल्यार डीबी-11 पंगडाक 20 हजार रुपयांचें इनाम फावो जालें.
अलिशाच्या चेतन गांवकाराक मॅन ऑफ दी मॅच म्हणून, तांच्याच साईश गांवकाराक बरो बॅट्समन म्हणून इनामां मेळ्ळीं. डीबी-11चो उद्देश गांवकार बरो बॉलर आनी मॅन ऑफ दी सिरिज थारलो. नवोदित खेळगडो म्हणून अलिशाच्या स्वेत गांवकार हांका खास इनाम दिलें.
राज्यसभा खासदार विनय तेंडुललकार हाचे हस्तुकीं इनामां भेटयलीं. ह्या वेळार आदलो मंत्री दीपक पावसकार, आदले मुख्याध्यापक गिरीश तेंडुलकार, सावड्डें भाजपा मंडळाचो अध्यक्ष विलास देसाय, साकोड्डें पंचायतीचो आदलो सरपंच जितेंद्र नायक, मधू गांवकार, पंच पंगडी रमाकांत गांवकार, भोला गांवकार, भानुदास गांवकार, दामोदर बांदेकार, गुरू गांवकार, संजय नायक, आतिश नायक माचयेर आशिल्लो. थळावो पंच रमाकांत गांवकार आनी भोला गांवकारान ही सर्त पुरस्कृत केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
