अर्भकांक मारपी लुसीक जल्मभर बंदखण
भांगरभूंय | प्रतिनिधी
खबरां संस्था ः लुसी लेटबी (33) हे नर्सीक सात भुरग्यांक मारून उडयल्ल्याच्या प्रकरणांत आयज जल्मभर बंदखणीची ख्यास्त दिली. लुसीक 2015 ते 2016 ह्या काळांत सात अर्भकांचो खून केल्ल्यान अटक केल्ली. शुक्रारा तिका दोशी थारायिल्ली.
ब्रिटीश नर्स लुसी लेटबी यू. के.च्या इतिहासांतली सगळ्यांत चड ल्हान भुरग्यांचो जीव घेवपी पयली खूनी बायल थारल्या. ज्या हॉस्पिटलांत ती काम करताली थंय ब्लड फ्लो, दुद नळयांनी भरुन, विखाची इंजेक्शन दिवन, चड जेवण दिवन आनी इन्सुलीन दिवन तिणें भुरग्यांक मारलीं.
8 जून 2015 दिसा पयलो खून केल्लो. 2015 ते 2016 ह्या काळांत तिणें गुप्तपणान 13 भुरग्यांचेर हल्लो केलो. तातूंतल्या सात जाणांक मरण आयलें. ह्या प्रकरणांत तिका अटक करपाक मूळ भारतीय दोतोर रवी जयराम हांचो व्हड वांटो आशिल्लो. उपरांत लुसीक अटक करून दोशी थारायिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
