भांगरभूंय | प्रतिनिधी
नवी दिल्ली, खबरां संस्था ः केंद्रीय अर्थमंत्री निर्मला सीतारमण हांणी आयज संसदेंत मोदी सरकाराच्या तिसऱ्या कार्यकाळाचो अर्थसंकल्प सादर केलो. तांणी फाटोफाट सादर केल्लो हो सातवो अर्थसंकल्प.
अर्थसंकल्प वेळार मांडिल्ले कांय मुद्दे –
१. शेतकी मळार 1.52 लाख कोटींची तरतूद. नव्या रोजगार येवजणे खातीर 2 लाख कोटींची तरतूद. बायलांच्या रोजगारा खातीर खाशेले यत्न. नवे कुशळटाय विकास अभ्यासक्रम सुरू करतले.
२. शेतकी मळार उत्पादन वाडोवपा खातीर ग्रामपंचायतीच्या मजतीन शेतकारांखातीर येवजण. शेंगदाणे, तीळ अशा तेल बियांच्या पिकांचेर चड लक्ष दितले. सहकारा वरवीं उत्पादन बाजारांत पावयतले. कुशळटाय उदरगती खातीर खाशेली येवजण.
३. अर्थसंकल्पांत कर्मचाऱ्यां खातीर मध्यम प्रकल्प आनी येवजण्यो, तरणाट्यां खातीर वेगवेगळ्यो येवजण्यो.
४. बिहारांत वैजकी म्हाविद्यालयां स्थापन करतले. आंध्र प्रदेशा खातीर 15 हजार कोटी निधी दितले. आंध्र प्रदेशांतले म्हत्वाचे प्रकल्प बेगीनांत बेगीन पुराय जातले. आंध्र प्रदेशांत इंडस्ट्रियल कॉरिडॉरची तयार करतले.
५. पूर्वे कडल्या राज्यांनी रस्ते बांदपा खातीर 26 हजार कोटी रुपया खर्च करतले.
६. शेतकी मळार उत्पादन वाडोवपा खातीर डिजिटल भौशीक मुळावी बांदावळ दितले. तांतूतल्यान शेतकी पिकांचे सर्वेक्षण, मातयेची तपासणी आदी विशीं शेतकारांक म्हायती दितले.
७. गांवगिऱ्या आनी शारी वाठारांनी आनीक तीन कोटी घरां उबारतले.
८. कारखान्यांनी काम करप्यां खातीर डोर्मेटरी पद्दतीचीं घरां भाड्यान दितले.
९. 1 कोटी शेतकारांक ‘सैमीक शेतीपद्दती’ कडेन वळयतले.
१०. पांच राज्यांनी किसान क्रेडीट कार्ड
११. शेतकी आनी ते संबंदीत मळां खातीर देड लाख कोटी रुपया.
१२. 20 लाख तरणाट्यां मदल्या कुशळटायेची पांच वर्सां भितर उदरगत.
१३. म्हाविद्यालयांक 10 लाखां मेरेन उच्च शिक्षण रीण.
१४. पूर्वे कडल्या वाठारांची प्राधान्यक्रमान उद्देगीक उदरगत
१५. पूर्व भारतांत 26 हजार कोटी खर्च करून नवे एक्स्प्रेस रस्ते बांदतले.
१६. बिहारांत नवे विमानतळ, वैजकी म्हाविद्यालयां बांदतले.
१७. एक लाखा परस उणो पगार आशिल्ल्या नव्या कर्मचाऱ्याक प्राॅव्हिडंट फंडांत पयले खेप नोंदणी करतकच तीन हप्त्यांनी 15000 रुपयांची मजत मेळटली.
१८. प्राॅव्हिडंट फंडा खातीरचो खर्च नोकरी दिवप्यांक परत मेळटलो.
१९. 500 आघाडेच्या कंपनींनी नव्या येवजण्यां खाला इंटर्नशीपीक उर्बा दितले.
२०. बायलां, भुरग्यां खातीरच्या येवजण्यांक 3 लाख कोटी रुपया.
२१. शंबर व्हडल्या शारांनी प्रक्रिया केल्ल्या उदकाची सुविधा
२२. पीएम सुर्या घर मुफ्त बिजली येवजणे खाला एक कोटी घरांचेर सोलर पॅनल बसयतले.
२३. नालंदाची पर्यटन थळ म्हूण उदरगत करतले.
२४. मोबायल चार्जरांचो खर्च 15 टक्क्यांनी उणो जातलो. मोबायल हँडसेटय जातले सवाय. तशेंच स्पेयर पार्ट्सय सवाय जातलें.
२५. भांगर, रुप्या आनी लेदर उद्देगाचेर कस्टम शुल्क उणो केला.
२६. कॅन्सराचीं वखदां सवाय जातलीं. ह्या वखदांचेर कस्टम ड्युटी घेवचे ना.
२७. इलेक्ट्रीक वाहनां, लिथियम बॅटरी सवाय जातली.
२८. चॅरिटी टीडीएस खातीर एकूच कर रचणूक आसतली.
२९. आयटीआर फायल करप्यांची प्रक्रिया सोपी जातली.
३०. दोन तृतियांश करदात्यांनी नवी कर रचणूक स्वीकारली.
३१. बायलां खातीर स्टॅम्प ड्युटींत बदल करतले.
३२. 3 लाखां मेरेनच्या उत्पादनाचेर कर ना. 3 ते 7 लाख मेरेनच्या उत्पादनाचेर 5 टक्के कर, 7 ते 10 लाख मेरेनच्या उत्पादनाचेर 10 टक्के कर, 10 ते 12 लाख मेरेनच्या उत्पादनाचेर 15 टक्के कर जाल्यार 15 लाखा परस चड उत्पादन आसल्यार 30 टक्के कर लागतलो.
अपडेट जाता…
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
