भांगरभूंय | प्रतिनिधी
नवी दिल्ली, खबरां संस्था ः केंद्रीय अर्थमंत्री निर्मला सीतारमण हांणी आयज 2024-25 अर्थीक वर्साचो मोदी सरकाराच्या तिसऱ्या कार्यकाळाचो अर्थसंकल्प संसदेत सादर केलो. तांणी फाटोफाट सादर केल्लो हो सातवो अर्थसंकल्प. ह्या अर्थसंकल्पात कर रचणूके विशीं कितें निर्णय आसतलो हांचे कडेन सगल्यांचे लक्ष आशिल्ले. ह्या वेळार निर्मला सीतारमण हांणी सामान्य कर्मचाऱ्यांचे नदरेन म्हत्वाचो आशिल्ल्या नव्या आयकर स्लॅबा (Income Tax Slab) विशीं म्हत्वाची घोशणा केली.
नव्या कर पद्दतींत (Income Tax) स्टँडर्ड डिडक्शन 50 हजारां वयल्यान 75 हजारा मेरेन वाडयलां.
अर्थसंकल्पात जाहीर केल्ल्या कर पद्दतीन प्रमाण आतां 3 लाखां मेरेनच्या उत्पन्नाचेर कर लागचो ना. 3 ते 7 लाख मेरेनच्या उत्पन्नाचेर 5 टक्के कर लागतलो. 7 ते 10 लाख मेरेनच्या उत्पन्नाचेर 10 टक्के कर लागतलो, 10 ते 12 लाख मेरेनच्या उत्पन्नाचेर 15 टक्के जाल्यार 15 लाखा परस चड उत्पन्न आसल्यार 30 टक्के कर लागतलो.
सरकारान नव्या कर पद्दतींत स्टँटर्ड डिडक्शनाची मर्यादा बदलल्या जाल्यार कर स्लॅबय पयलीं परस सोपे केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
