भांगरभूंय | प्रतिनिधी
कॅन्सराचीं वखदां जातलीं सवाय: सोरो म्हारग
नवी दिल्ली : अर्थमंत्री निर्मला सीतारमण ९वे फावट अर्थसंकल्प सादर करता. आयज तिणें राष्ट्रपती द्रौपदी मुर्मू हांकां अर्थसंकल्पा विशीं म्हायती दिली. सीतारमण हांणी आयज सकाळीं 11 वरांचेर अर्थसंकल्प सादर करपाक सुरवात केली.
-भारताक वखदां निर्मातीचें केंद्र करतले. कॅन्सर, गोडेंमूत संबंदी वखदां कमी दरांत दिवपाचो यत्न
-इलॅक्ट्रॉनीक उपकरणां खातीर ४० हजार कोटी रुपयांची तरतूद करतले.
-दिल्ली, वाराणसी, मुंबय, पुणें सयत मुखेल शारांक जोडपा खातीर 7 हाय स्पीड रेल कॉरिडाराची करतले निर्मिती.
-बँकींग क्षेत्राचो नियाळ घेवपा खातीर उच्चाधिकार समिती.
-उच्च शिक्षणा खातीर दरेका जिल्ह्यांत स्थापन करतले महिला हॉस्टेल.
-उद्देगीक आनी लॉजिस्टिक कॉरिडोर क्षेत्रांत 5 विद्यापिठां स्थापन करतले.
-नाल्ल , काजू उत्पादन वाडोवपा खातीर विशेश आर्थिक साहाय्य दिवपी येवजण चालीक लायतले: अर्थमंत्री, निर्मला सितारामन
-नवो आयकर कायदो 1 एप्रिल 2026 सावन जातलो लागू.
-ल्हान करदात्यांक 31 जुलय मेरेन रिटर्न्स दाखल करपाची सुविधा.
-अर्थसंकल्पांत वैयक्तिक आयकर स्लॅबांत कसलेच बदल करुंक नात.
-कॅन्सराचीं वखदां जातलीं सवाय. सोरो म्हारग जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
