भांगरभूंय | प्रतिनिधी
पणजी: अरविंद भाटीकार हांणीं बरयिल्लें “कर्मण्ये… काल, आज, फाल्यां” हे कादंबरीक 2022 वर्साचें सगल्यांत बरें कोंकणी पुस्तक म्हूण मणिपालच्या डॉ.टी.एम्.ए. पै फावंडेशनान पुरस्कार दिला. रु. 25,000/- आनी प्रशस्तीपत्र अश्यो दोन गजाली ह्या पुरस्कारांत आस्पावतात.
“कर्मण्ये…काल, आज, फाल्यां’’ हे कादंबरी वरवीं तुमी केल्ले कोंकणी साहित्याचे मोलादीक सेवे खातीर हो पुरस्कार आमी तुमकां भेटयतां,” अशें डॉ. टी.एम्.ए.पै फावंडेशनान आपणाल्या प्रशस्तीपत्रांत कळयलां.
सरकारी आस्थापनांनीं खोलायेन रुजिल्ल्या सुवार्थी आनी भ्रश्ट हितसंबंदां आड झगडटना एका आय.ए.एस. अधिकाऱ्यान केल्ल्या संघर्शाची ही काणी “कर्मण्ये…काल, आज, फाल्यां” कादंबरींत आस्पावता. हे कादंबरीक आदींच 2022 वर्साचो गोंय कोंकणी भाशा मंडळाचो पुरस्कार मेळ्ळा.
अरविंद भाटीकार हांणीं निर्मिल्ल्या साहित्यांत सकयल दिल्ल्या पुस्तकांचो आस्पाव आसा:
वोंवळां (कोंकणी- 2011), रडरलेस डेमोक्रेसी (इंग्लीश– 2015), कर्मण्ये…काल, आज, फाल्यां (कोंकणी – 2021), संघर्श (कोंकणी– 2023), लोकशाय हाय हाय (कोंकणी – 2024) आनी लोकशाय? कितें तें? (कोंकणी– 2024).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
