भांगरभूंय | प्रतिनिधी
नवी दिल्ली, खबरां संस्था ः दिल्लींतल्या सोरो घोटाळे प्रकरणांतल्यान दिल्लीचे मुख्यमंत्री अरविंद केजरीवाल हांकां थाकाय मेळ्ळ्या. लोकसभा वेंचणुकेचो प्रचार करपाक मेळचो म्हणून सर्वोच्च न्यायालयान तांकां 1 जून मेरेन अंतरीम जामीन दिला. लोकसभा वेंचणुके वेळार प्रचार करपाची परवानगी मागपा खातीर तांणी सर्वोच्च न्यायालयांत याचिका दाखल केल्ली. हे याचिकेचेर सुनावणी 7 मे दिसा जाली. उपरांत सर्वोच्च न्यायालयान आपलो निकाल राखून दवरलो.
आयज न्यायमूर्ती संजीव खन्ना आनी न्यायमूर्ती दिपंकर दत्ता हांच्या खंडपिठान हे संबंदी निकाल दिलो. ते प्रमाण सर्वोच्च न्यायालयान अरविंद केजरीवाल हांकां 1 जून मेरेन अंतरीम जामीन दिला. तशेंच तांणी 2 जून दिसा ईडी कडेन सरेंडर जावपाचे निर्देश न्यायालयान दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
