भांगरभूंय | प्रतिनिधी
मुंबय, खबरां संस्था: मान्सुना उपरांत अरबी दर्यांत निर्माण जाल्लें पयलें चक्रीवादळ शक्ती, आतां खर चक्रीवादळांत रूपांतर जालां. हवामान खात्यान शेनवारा सांगलें, गुजरातांतल्या द्वारका पसून 420 किमी अंतराचेर दर्यांत हें वादळ सक्रीय आसा. तातूंत वराक 100 किमी वेगाने वारें व्हांवता.
फुडल्या 24 वरांनी ते पश्चीम- नैऋत्ये कडेन वळटलें आनी वायव्य आनी मध्य अरबी दर्यांत पावतलें. सोमारच्यान ते मात्शें उणें जावन ईशान्येकडेन वळपाची शक्यताय आसा.
ह्या वादळाच्या प्रभावाक लागून गुजरात आनी उत्तर महाराष्ट्रांत दर्यांत व्हड ल्हारां येवपाक लागल्यांत. ह्या वादळाच्या खरपणाचे परिणाम महाराष्ट्रांतूय जाणतात. मुंबय, ठाणे, पालघर, रायगड, रत्नागिरी आनी सिंधुदुर्ग जिल्ह्यां खातीर चक्रीवादळाची शिटकावणी दिल्या. 7 ऑक्टोबर मेरेन उत्तर कोकण दर्यादेग वाठारांत नेटान वार्या सयत घोग्यांनी पावसाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
