भांगरभूंय | प्रतिनिधी
अयोध्या, खबरां संस्था: अयोध्येंतल्या राम मंदिराचेर बॉम्ब हल्लो करपाची धमकी दिली. १४ एप्रिलाक (सोमवार) रातचो राम जन्मभूमी ट्रस्टाचो एक ई-मेल आयलो. तातूंत बरयलां,देवळाची सुरक्षा वाडयात. ट्रस्टाचे अकावंट ऑफिसर महेश कुमार हांणी मंगळारा सायबर सेलांत हे विशीं कागाळ दाखल केल्या.
धमकी मेळ्ळे उपरांत, जन्मस्थान संकुल आनी आशिकुशीकच्या वाठारांत सुरक्षा दळांची गस्त वाडयल्या. इलेक्ट्रॉनीकूय देखरेख प्रणाली अदीक सक्रीय केल्या. पुलिसांनी देवळा लागसारा सोद मोहीम राबयली. तेन्नाच बाराबंकी, चंदौली आनी अलीगढा सयत जायत्या जिल्ह्यांच्या जिल्हो दंडाधिकार्यांकूय धमकेचे ई-मेल आयल्यात. हातूंत डीएम कार्यालयाचेर बॉम्ब हल्लो करपाची धमकी दिल्या. हे सगळे मेल तामिळनाडूच्यान धाडल्यात.
दुबावीत ई-मेलची म्हायती मेळ्ळे उपरांत तामिळनाडू सायबर सेलाकूय सतर्क केलें. जाका लागून ई-मेल खंयच्यान धाडलो आनी ताचे फाटल्यान मनशाची नेमकी वळख धाडपाक शकतले. रामलल्लाचे प्राण प्रतिश्ठे पसून जायते फावट धमक्यो मेळळ्यात. खलिस्तानी आतंकवादी पन्नूनय जायते फावट धमक्यो दिल्यो. अयोध्या पुलीस प्रशासनान लोकांक कसल्योय वावड्यो आडनदर करपाचो उलो मारला. खंयच्योय दुबावी हालचाली दिसल्यार प्रशासनाक रोखडेंच कळयात, अण्यो सुचवण्यो दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
