भांगरभूंय | प्रतिनिधी
नवी दिल्ली, खबरां संस्था: शेजराक हेर समुदायांतले लोक रावतात म्हूण कोणाक पुजा आनी थेट प्रक्षेपणा खातीर परवानगी न्हयकारपाक शकनात, अशें सर्वोच्च न्यायालयान आयज म्हणलें. तामिळनाडू सरकाराक राम मंदीर अभिशेक सुवाळ्याचें सरळ प्रक्षेपण आनी पुजा करपाक परवानगी दिवंक नाशिल्ल्यान सर्वोच्च न्यायालयान नोटीस धाडल्या.
तशेंच तुमी तोंडी आदेशा प्रमाण न्हय जाल्यार कायद्या प्रमाण काम करात, अश्योच सुचवण्यो प्रशासनाक दिल्यो. न्यायमूर्ती संजीव खन्ना आनी न्यायमूर्ती दीपांकर दत्ता हांचें खंडपीठ अधिवक्ता जी. बालाजी हांचे याचीकेचेर सुनावणी करताले. तामिळनाडू सरकारान प्रक्षेपण बंदीच्यो तोंडी सुचवण्यो दिल्यो.
प्रशासना कडल्यान प्रक्षेपण संबंदी डेटा मागयलो
सुप्रीम कोर्टान फुडले सुनावणे पयलीं पुजा आणि सरळ प्रक्षेपणा खातीरचे अर्ज मंजूर आनी भायर मारपा विशीं राज्य सरकारा कडल्यान डाटा मागयला. हातूंत खंयचीं कारणां दिलीं, अशेंय विचारलें. वेळार दिल्ल्या निर्णयांचो विचार करचो, अशेंय खंडपीठान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
