भांगरभूंय | प्रतिनिधी
रांची, खबरां संस्था ः बटाट विकत घेतना जतनाय घेवची कारण बाजारांत नव्या बटाटाच्या नांवान विखारी बटाट बेकायदेशीरपणान विकपाक लागल्यात. अशें एक प्रकरण झारखंडांतल्या रांची उजवाडाक आयला. रांचीच्या बाजारांत अशें तरेचे बटाट 50 रुपया किल दरान मेळटात. फायदो घेवप्यांक दर किलांक 20 रुपया फायदो जाता.
मेळिल्ले म्हायती प्रमाण, लोक जेन्ना बटाट्याची साल काडटात तेन्ना ते नवो बटाट दिसता. पूण प्रत्यक्षांत पोरणे बटाट्याची साल केमिकल घालून सोलून काडून नवो बटाट म्हणून विकतात. हो बटाट दोन दिसांनी कुसपाक लागता
दोळे, नाक आनी गळ्याचेरूय परिणाम जावंक शकतात…
अमोनिया उदकांत दवरल्यार बटाट विखारी जाता. ह्या बटाटाचे नेमान सेवन केल्यार दोळे, नाक आनी गळ्याचेर परिणाम जाता. अमोनियाक लागून पोटांत दुखप आनी दाह जावंक शकता. सतत वापरल्यार यकृत आनी मूत्रपिंडांचेरूय परिणाम जाता.
पोरणे बटाट नवे करपा खातीर लोक पयलीं तांकां अमोनियाच्या द्रावणांत 12 वरां दवरतात आनी उपरांत तें मातयेंत घालतात. मागीर साल वेगळी जावन ताका माती चिकटून उरता. हाका लागून गिरायकांक तें नवें दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
