भांगरभूंय | प्रतिनिधी
पेनसिल्व्हेनिया, खबरां संस्था: अमेरिकेचे आदले अध्यक्ष आनी रिपब्लिकन पक्षाचे उमेदवार डोनाल्ड ट्रम्प हांचेर शेनवारा पेनसिल्व्हेनिया हांगा एके प्रचार कार्यावळींत उलयतना एका अनवळख्यान फारपेट केली. ‘‘म्हज्या उजव्या कानाच्या वयल्या भागाक गुळी आफडून गेली. खूब रगत व्हांवून गेलां.’’ अशी म्हायती कांय वेळांतूच ट्रम्प हांणी सोशल मिडिया वरवीं दिली.
डोनाल्ड ट्रम्प अमेरिकेच्या अध्यक्षीय वेंचणुकेचे फाटभूंयेर पेनसिल्व्हेनियात प्रचार रॅली वेळार उलयताले. तेन्ना तांचेर हो हल्लो जालो. रॅली वेळार गुळयांचो आवाज आयिल्ल्यान डोनाल्ड ट्रम्प रोखडेच माचये फाटल्यान वचून लिपले.
फारपेटीचो आवाज येतांच ट्रम्प हांच्या कानाक आफडून गोळी गेली. ताका लागून ते रोखडेच सकयल कोसळ्ळे. उपरांत तांकां रोखडेंच गुप्तचर खात्यान सुरक्षीत जाग्यार व्हेले. उपरांत ते रोखडेच थंयच्यान गेले. सिक्रेट सर्व्हिस आनी ट्रम्पच्या कार्यालयांत ते सुरक्षीत आशिल्ल्याचें सांगलें.
रॉयटर्स दिसाळ्या प्रमाण, प्रचारसभेंत फारपेटीचो चार खेपो आवाज आयिल्ल्याचें एका समर्थकान सांगलां. कांय सेकंदांत हें सगळें घडलें अशें थंय आशिल्ल्या एकल्यान सांगलें. एक व्यक्ती पळून वतना लश्करी गणभेसांतलो अधिकारी ताचो फाटलाव करतालो. तेना फारपेट जाल्ल्याचो आवाज आयलो. तेन्ना शुटराक मरण आयिल्ल्याचें समजता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
