भांगरभूंय | प्रतिनिधी
खबरां संस्था ः आपले चाणक्य नितीचो प्रभाव राजकारणाचेर घालपी अमेरिकेचे आदले परराष्ट्रमंत्री आनी नोबेल पुरस्कार जैतिवंत हेन्री किसिंजर (100 वर्सां) संवसाराक अंतरले. राष्ट्राध्यक्ष रिचर्ड निक्सन हांच्या काळांत किसिंजर हांणी परराष्ट्र धोरणां वरवीं अमेरिकेक महासत्ता करपाक म्हत्वाचें योगदान दिल्लें.
एकमेव अमेरिकन नागरिक
हेन्री किसिंजर हांणी 1960 दशकांत अध्यक्ष रिचर्ड निक्सन हांच्या काळांत अमेरिकन सरकाराचे गृहमंत्री आनी राष्ट्रीय सुरक्षा सल्लागार अश्यो दोनूय म्हत्वाच्यो जापसालदारक्यो सांबाळल्यो. ह्या काळांत हेन्री किसिंजर हाणें उत्तर व्हिएतनामा कडेन जाल्ली पॅरिस शांतताय कबलात, इस्रायल आनी हेर अरब देशां मदले संबंद सुदारपाचे यत्न, त्या काळांत आंतरराश्ट्रीय शांतताये खातीर म्हत्वाचीं आशिल्लीं अमेरिके- रशियेची शस्त्रां बंदीचेर चर्चा, चीना कडेन धोरणात्मक संबंदाची सुरवात अश्यो जायत्यो म्हत्वाच्यो जापसालदारक्यो येसस्वीपणान सांबाळल्यो.
व्हिएतनाम झुजाच्या काळांत केल्ल्या म्हत्वाच्या भुमिके खातीर हेन्री किसिंजर हांकां नोबॅल पुरस्कार फावो जालो. 1973 वर्सा जाल्ल्या व्हिएतनाम झूज बंदी खातीर उत्तर व्हिएतनाम कडेन येसस्वी चर्चा केल्ल्यान तांका आनी उत्तर व्हिएतनामाचो ली ड्यूक थो हांका संयुक्तपणान नोबेल पुरस्कार फावो जालो. मात त्या पुरस्कारा वयल्यान मागीर वाद जाल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
