भांगरभूंय | प्रतिनिधी
अमेरिकचो भारतीय स्थलांतरितां खातीर व्हड निर्णय
नवी दिल्ली, खबरां संस्था : खुबश्या भारतीयांक परदेशांत रावपाक आवडटा. कामा निमतान लाखांनी भारतीय अमेरिकेंत स्थायीक जाल्यात.
अमेरिकेंत स्थायीक जाल्ल्या भारतीयां खातीर एक व्हड बातमी मुखार आयल्या. भारतीय स्थलांतरितां विशीं म्हत्वाचो प्रस्ताव हालींच अमेरिकन संसदेंत मांडला. राष्ट्रीय सुरक्षा करार (National Security Agreement) नांवाच्या ह्या या प्रस्तावा खाला, H-1बी व्हिसा धारकांच्या भागीदारांच्या अमेरिकेंत नोकरी खातीर आनी तांच्या भुरग्यांच्या हक्कांचें संरक्षण करपाची तरतूद आसा. मजगतीं, H- 4 व्हिसा H-1B व्हिसाधारकांचे भागीदार आनी भुरग्यांक दितात. अशें मानतात, हे श्रेणीत एक लाख EM- 4 व्हिसाधारक आसात, जांकां ह्या कायद्याचो फायदो जावपाची अपेक्षा आसा.
अमेरिकन सिनेटांत रिपब्लिकन आनी डेमोक्रॅटीक नेतृत्व हांचे मदल्या वाटाघाटी उपरांत आयतारा ‘राष्ट्रीय सुरक्षा करार’ सादर केलो. फाटल्या कितल्याशाच दिसां पसून ग्रीन कार्ड मेळोवपा खातीर वाट पळोवपी भारतीय तंत्रज्ञान वेवसायिकां खातीर अमेरिकन सरकाराचो हो प्रस्ताव म्हळ्यार सुशेग दिवपी बातमी. ग्रीन कार्ड मेळूंक नाशिल्ल्यान H-1B व्हिसाधारकांचे पार्टनर्स अमेरिकेंत काम करपाक शकना आनी तांच्या भुरग्यांचेर सेगीत डिपोर्टेशनचो धोको आसता.
ग्रीन कार्डाक अधिकृतपणान अमेरिकेंत कायमचें रावपाचें कार्ड म्हणून वळखतात. सोपे भाशेंत सांगचें म्हळ्यार, जशें भारतांत रेशनकार्ड तशेंच अमेरिकेंत ग्रीन कार्ड. हो अमेरिकेंतल्या स्थलांतरितांक जारी करपी एक दस्तऐवज जावन आसा. जाचे खाला व्हिसाधारकाक अमेरिकेंत कायमस्वरूपी रावपाचो अधिकार दितात. ग्रीन कार्ड जारी करपा खातीर दरेका देशा खातीर एक निश्चीत मर्यादा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
