भांगरभूंय | प्रतिनिधी
वॉशिंग्टन, खबरां संस्था: चीनी शॉर्ट व्हिडियो ऍप ‘टिकटाॅका’चेर अमेरिकेंत बंदी घालपाचें निश्चीत जालां. अमेरिकेच्या फेडरल कोर्टान शुक्रारा सोशल मिडिया प्लॅटफॉर्माचें ‘फ्री स्पीच’ आवाहन न्हयकारलें. न्यायालयान टिकटाॅकाक आपल्या मूळ कंपनी बाइट डान्सचे स्टॅक १९ डिसेंबर मेरेन विकपाक सांगलां, नाजाल्यार अमेरिकेंत ह्या अॅपाचेर बंदी घालतले अशें ह्या निकालांत म्हणलां.
ही केस टिकटाॅक विरुद्ध गारलँड, यूएस कोर्ट ऑफ अपील, डिस्ट्रिक्ट ऑफ कोलंबिया सर्किट (वॉशिंग्टन) हांगा चीनी अॅपान राष्ट्रीय सुरक्षा आनी वापरप्यांची गुप्तताय कायद्या आड याचिका दाखल केल्या. सुनावणी वेळार तीन न्यायाधीशांच्या खंडपिठान एकमतान ताचे आरोप न्हयकारले आनी म्हणलें, खंयचोच अमेरिकन कायदो खंयचेच तरेन भाशण स्वातंत्र्य आडायना.
टिकटाॅकाक आपले वाद फेडरल कोर्टांत आयकूंक मेळटले अशी आस्त आशिल्ली, पूण न्यायालयाच्या निर्णयाक लागून टिकटाॅकाची निमाणी आस्तूय सोंपली. भारत सरकारान जून २०२० वर्सा टिकटाॅककाचेर पयलींच बंदी घाल्या. तशेंच ब्रिटीश सरकारानूय मार्च २०२३ वर्सा ताचेर बंदी घाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
