भांगरभूंय | प्रतिनिधी
न्युयॉर्क, खबरां संस्था: फाटल्या कांय वर्सां सावन कॅनडा आनी अमेरिकेचे शिमेर भारतीय प्रवाशांच्या बेकायदो घुसखोरींत व्हड वाड जाल्या. अमेरिकेच्या शीम शुल्क आनी शीम सुरक्षिततायेच्या (यूएससीबीपी) आकडेवारी प्रमाण अंदूं ४३,७६४ भारतीयांक शिमेर धरल्यात. वट्ट १,९८,९२९ प्रकरणां मदलीं हीं २२ टक्के. २०२२ वर्सा १,०९,५३५ व्यक्तींनी कॅनडांतल्यान अमेरिका बेकायदो प्रवेश करतना तांकां धरिल्ले. हातूंत १६ टक्के भारतीय आशिल्ले.
२०२३ त हो आंकडो वाडलो. २०२३ त १,८९,४०२ इतले बेकायदो घुसखोरीचे यत्न मुखार आयले. हातूंत ३०,०१० भारतीय आशिल्ले. कॅनडा मार्गांत अमेरिकेंत प्रवेश करपी बेकायदो स्थलांतरितांच्या प्रकरणांत लॅटीन अमेरिका आनी कॅरेबियना उपरांत भारताचो क्रमांक लागता. अशे तरेन बेकायदो प्रवेश करप्या मदीं चडशे भारतीय पंजाब राज्यांतले आशिल्ले, अशे कागदपत्रांतल्यान स्पश्ट जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
