भांगरभूंय | प्रतिनिधी
न्यूयॉर्क, खबरां संस्था ः दर एका मळा प्रमाण फिटनेस आनी भलायकेच्या मळार कृत्रिम बुध्दीचीय नेटान उदरगत जायत आसा. एआय वापरपी फिटनेस अॅपांचो आंकडो कितलेशेच पटींनी वाडत आसा. कांय जाण लोकप्रिय एआय चॅटबॉट जॅटजीपीटी स्वता खातीर प्रोगाम तयार करपाक लेगीत तयार करतात. चडशे एआय फिटनेस अॅप्लिकेशनां एकटेंच वापरपा खातीर तयार केल्ले आसात.
अमेरिकेच्या डलास, टेक्सासांत ल्यूमिन फिटनेस नावाचे पयलें जिम सुरु केलां थंय एआय ट्रेनरा वांगडा वर्कआउट करपाक मेळटा. इतलेंच न्हय, एआय वर्कआउट वेळार केल्ल्या हालचालींचेर उलोवन आपलो प्रतिसाद दिवंक शकता. जिमाचे वण्टीचेर एलईडी स्क्रीन बसयल्या. ह्या स्क्रीन वरवीं एआय वैयक्तीक प्रशिक्षक एकाच वेळार 14 जाणांक प्रशिक्षण दिवंक शकता. दरेकल्याक आपलें स्टेशन आसतलें.
स्क्रीनच्या फाटल्यान आशिल्लो सेन्सर मनशाच्या व्यायामाचो आनी खासा तयार केल्लें साधन उदा. डंबल, स्किपिंग रोप आदी ट्रॅक करता. दुसरे वटेन व्यायाम करतना हेडफोनाचेर एआय तुमकां आकलन आनी सुचोवण्यो दितले. जिमांत बसयल्ले सेंन्सर दरेका वांगड्याचेर नियंत्रण दवरून प्रतिसाद दिवंक शकतात अशें लुमिन फिटनेसचे सीईओ ब्रँडन बीन हांणी सांगलें. मनीस प्रशिक्षक लेगीत प्रतिभेक पर्याय सोदना. उरफाटें आमी तांकां चड बरो अणभव दिवपा खातीर साधनां दितात. एआयचें एक खाशेलें खाशेलपण म्हळ्यार ताची शिकपाची तांक.
फिटनेस संबंदीत भावनीक बुद्धीमत्तेक पर्याय ना
तज्ञांच्या मतान एआय बरो प्रोग्राम केल्यार लोकांक व्यायाम करपाक ताची मजत जावंक शकता. पूण भलायकी आनी फिटनेस हातूंत भावनीक बुध्दीचोय आस्पाव जाता. एआय हाचो पर्याय जावंक फावना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
