भांगरभूंय | प्रतिनिधी
न्यूयॉर्कः अमेरिकेच्या वेगवेगळ्या शारांनी शेनवारा हजारांनी लोकांनी राष्ट्राध्यक्ष डोनाल्ड ट्रम्प हांचे आड रॅली काडली. हे रॅली वेळार लोकांनी आरोप केलो, ट्रम्प हांचे राजवटींत देश वेगान हुकूमशाये वटेन पावलां मारता.
आयोजकांच्या मतान, जुनांत जाल्ल्या पयल्या नो किंग्ज निदर्शना मजगतीं लागीं लागीं 2100 सुवातांचेर रॅली काडिल्ल्यो, उपरांत देशभरांत 2600 परस चड सुवातांचेर रॅली काडल्यो.
न्युयॉर्कच्या टायम्स स्क्वेअर, बॉस्टन, अटलांटा आनी शिकागोंतल्या उद्यानांत बरीच गर्दी जाली. वॉशिंग्टन, लॉस एंजेलिस आनी रिपब्लिकन-बहुल अश्या खुबश्या राज्यांतलेय लोक रस्त्यार देंवले. रिपब्लिकन पक्षान ह्या निदर्शनांक ‘हेट अमेरिका रॅलीज’ अशें नांव दिलां.
तिसरो व्हड निशेध
राष्ट्राध्यक्ष ट्रम्प हांच्या कार्यकाळांतलो हो तिसरो व्हड निशेध. म्हत्वाचें म्हळ्यार, अमेरिका सध्या बंद आसा, खुबश्यो सरकारी सेवा ठप्प आसात. ट्रम्प प्रशासनाच्या खर धोरणाक लागून कॉंग्रेस आनी न्यायवेवस्थे कडेन संघर्श वाडला.
ट्रम्प सप्तकाचे निमाणे कडेन तांच्या फ्लोरिडा हांगच्या घरा, मार-ए-लागो हांगा आशिल्ले. एका टीव्ही मुलाखतींत तांणी म्हणलें,
ते म्हाका राजा म्हणटात, मात हांव राजा न्हय. तांचे सोशल मीडिया निमीन उपरांत ट्रम्प हांकां राजा म्हणून दाखोवपी एक व्हिडिअयो प्रसिद्ध केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
