भांगरभूंय | प्रतिनिधी
नवी दिल्लीः अमेरिके आनी इझ्राएल हांचे मदीं झूज वाडत आसा. पूण ह्या झुजाचो परिणाम पुराय संवसाराक सरळ जाणवता. अमेरिका – इझ्राएल झुजाची झळ भारतीय म्हासागरात जाणवपाक लागल्या. कच्च्या तेलाचे दर वाडत आसात. अमेरिकेंत इराणी तेलाच्या बोटींचेर हल्लो सुरू आसा. अमेरिकेचीं संयुक्त संस्थानां आनी इझ्राएल एकठांय येवन इराणाचेर हल्लो करतात. अमेरिकन लश्करी तळ आशिल्ल्या देशांचेर इराण हल्लो करता. कतार, साउदी अरेबिया, इराक, कुवेत ह्या सारक्या देशांचेर हल्लो सुरू आसा. ते भायर तेल प्रकल्पांचेरूय लक्ष्य करपाचें काम सुरू आसा. ह्या झुजाचे परिणाम भिरांकूळ जावपाची शक्यताय आसा.
हातूंत आतां म्हत्वाची खबर मुखार येवपाक लागल्या. मेळिल्ले म्हायती प्रमाण होर्मुझ सामुद्रधुनीचेर तेल टँकर 80 टक्क्यांनी उणे जाल्यात हें स्पश्ट जाता. हाचे वांगडाच हजारांनी टँकरांचेर उदका मार्गाचेर कोंयडी जाल्या.
इराणान स्टेट बंद करण्याची व्हड आनी धक्काे दिवपी घोषणा केल्या. इतलेंच न्हय तर हांगाच्यान वचपी टँकरांक उजो लावपाचीय धमकी दिली. 1 मार्चाक फकत 3 तेल टँकर होर्मुझांतल्यान गेले. तातूंत 28 लाख बॅरल आशिल्ले. 2 मार्चाक फकत एक ल्हान टँकर पास जाली. 15 लाख बॅरल वा 20 टक्के कच्चें तेल होर्मुझ सामुद्रांतल्यान वता.
हो तेल मार्ग खूब म्हत्वाचो. पूण आतां येरादारी जवळजवळ बंद जाल्या आनी हें एक सामकें व्हडलें संकश्ट. इराण आनी हेर देशांतल्यान कच्च्या तेलाची संख्या खूब उणी आसा. हाका लागून कच्च्या तेलाच्या दरांत व्हड प्रमाणांत वाड जावंक शकता. इराणाच्या मुखेल सेनापतीचो सल्लागार इब्राहिम जबरी हाणें होर्मुझ दर्यामार्ग बंद करपा विशीं व्हडली घोशणा केली.
इतलेंच न्हय तर ह्या मार्गांतल्यान कोणाकूय वचपाचें धाडस केल्यार आमी तेल टँकराक उजो लायतले अशीय शिटकावणी तांणी दिली. हे फाटभुंयेर भारत सरकारान तेल कंपन्यां कडेन म्हत्वाची बसका घेतली आनी ह्या काळांत भारतांत कितलें तेल उरलां तें तपासलें. मेळिल्ले म्हायती प्रमाण सध्या भारतांत 74 दिसां खातीर फावो इतले इंधन उरलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
