‘अमेझींग गोवा’च्या स्टॉलांक उपाट प्रतिसाद

भांगरभूंय | प्रतिनिधी

तेलांतल्यान बायो डिझॅल तयार करपाचो उपक्रम सुरू

भांगरभूंय । प्रतिनिधी

पणजी : रांदपाचें तेल ते बायो डिझॅल, फोल्ड करपाक येवपी सौर पॅनल, पेटंट केल्लें वार्‍याचें टर्बायन, 40 टक्के वीज वाटावपी संकरीत थर्मल पॅनल, शेतांतलो कोयर विलो लावपाचें अ‍ॅप्स, ल्हान प्रमाणांतल्या घाणयार्‍या उदकाच्या प्रक्रिया प्रकल्पांक ‘अमेझींग गोवा’च्या स्टॉलांक उपाट प्रतिसाद मेळपाक लागला. अत्याधुनीक तंत्रज्ञानाचो वापर आनी गिरायक केंद्र सेवा आशिल्ल्यान गिरायकांक ह्या उत्पादनांचो फायदा जातलो.

आमच्या दिसपट्ट्या जेवणांत तळिल्ल्या जिनसांचो आस्पाव आसता. तळपा खातीर परतून परतून त्याच तेलाचो वापर केल्यार भलायकेक धोको निर्माण जाता. हाका लागून काळजाचें दुयेंस आनी हेर दुयेंसां जावपाची शक्यताय आसता. हें मतींत घेवन मुंझर कंपनीन वापरिल्ल्या तळपाच्या तेलांतल्यान बायो डिझॅल तयार करपाचो उपक्रम सुरू केला. ही कंपनी गोंयांतल्या व्हडल्या हॉटेलां कडल्यान तळपाचें तेल विकतें घेता. उपरांत ह्या तेलाचें बायो डिझॅलांत रुपांतर करून वेगवेगळ्या कामां खातीर इंधन म्हणून वापरतात. अर्बन एक्सीस ही हायब्रीड थर्मल सौर पॅनल तयार करपी कंपनी. जर हें पॅनल 7.5 टन परस व्हड केंद्रीय एसींत बसयलें जाल्यार हातूंत वापरिल्ल्या तंत्रज्ञानाक लागून वीज बील 25 ते 40 टक्क्यांनी उणें जातलें. व्हड हॉलांनी वा ऑफिसांनी ताचो उपेग करूं येता. केव्हीबी कंपनीन सौर उर्जेचे ड्रायर, सौर कुकर तयार केल्यात. ड्रायराचो वापर नाल्ल, मिरसांग, नुस्तें, मसालो आनी हेर जायत्यो वस्तू सुकोवपा खातीर करतात. सौर कुकर वापरून शंबरां परस चड लोकांचें जेवण तयार करतात.
घडी करपाक मेळपी अशें सौर पॅनल शेख लीक कंपनीन तयार केलां. ही कंपनी वेपारी आनी घरगुती वापरा खातीर वेगवेगळीं उत्पादनां तयार करता. उपलब्ध आशिल्ल्या जाग्या प्रमाण त्यो स्थापन करूं येतात हें तांचें खाशेलपण. सौर पॅनलांक फावो ती सुवात नाशिल्ल्यान कंपनीन हीं उत्पादनां बाजारांत हाडल्यांत. कंपनीन कांय सुवातींनी पुरायपणान उब्या वण्टींचेर पॅनल लायल्यांत. कांय कडेन घराच्या पांख्याचेर समान आकाराचें पॅनल बसयलां.