भांगरभूंय | प्रतिनिधी
अमृतसर, खबरां संस्था ः अमृतसर पुलिसांनी ड्रग्स आनी शस्त्रां तस्करी करपी टोळयेक उक्तडार हाडल्या. हे कारवायेंत 12 आरोपींक अटक केल्या. हांतूत मुखेली मनजीत सिंग उर्फ भोला जो पाकिस्तानांतल्या स्मगलरां कडेन संपर्कांत आशिल्लो ताचोय आस्पाव आसा.
अटक केल्ल्या मदीं मनजीत सिंह उर्फ भोला, जोबनप्रीत सिंग उर्फ जोबन, हरप्रीत सिंग उर्फ हॅप्पी, बबली, अमृतपाल सिंग अंशु, अनिकेत वर्मा, हर्षप्रीत सिंग उर्फ हरमन, गुरप्रीत सिंग उर्फ गोपी, लवप्रीत सिंग उर्फ जशन, मनदीप सिंग उर्फ कौशल, रेश्मा आनी आकाशदीप सिंग उर्फ अर्श हांचो आस्पाव आसा.
शस्त्रां आनी घुंवळी वखदां व्हड प्रमाणांत जप्त…
हेरॉयन: 2.192 किल (आंतरराश्ट्रीय मोल सुमार 14 कोटी रुपया)
शस्त्रां: 3 अपग्रेडेड पिस्तूल (.30 बोर, 2 ऑटोमेटिक)
ड्रग मनी: 2.6 लाख रुपया
गाडी : फॉर्च्यूनर कार
ह्या नेटवर्काच्या हेर वांगड्यांचो आनी पुराय स्मगलिंग टोळयेचो सोद घेवपा खातीर फुडलो तपास सुरू आसा अशें पंजाबाचे डीजीपी गौरव यादव हांणी सांगलें. ह्या प्रकरणांत छेहारटा पुलीस स्टेशनांत एनडीपीएस कायद्या खाला गुन्यांव नोंद करून कारवाय सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
