भांगरभूंय | प्रतिनिधी
पणजी: घोशणा जावन वट्ट 12 वर्सा उपरांंत शेती धोरणाचो मसुदो तयार जाला. मसुदो तयार करपी समितीन अमृतकाल शेती धोरणाचो मसुदो शेती धोरण तयार करपी समितीचे अध्यक्ष कृशी मंंत्री रवी नायक हांंकां सादर केलो. मंंत्रीमंंडळाचे मान्यताये उपरांंत धोरण अधिसूचीत जातलें, अशें रवी नायक हांंणी सांंगलें.
सर्गेस्त मनोहर पर्रीकार हांंणी 2012 वर्सा शेती धोरण तयार करपाची घोशणा केल्ली. हे घोशणे प्रमाण धोरण तयार करपा खातीर अॅड. नरेंंद्र सावयकार हांचे फुडापणा खाला 9 ऑगस्ट 2012 रोजी समिती स्थापन जाल्ली. अॅड. नरेंंद्र सावयकार हे खासदार जाले उपरांंत तांंणी समिती अध्यक्षपदाचो राजिनामो दिलो. हाचे उपरांंत शेती धोरणा विशीं सरकारान गंंभीरतायेन पावलांं उखल्ली नात.
फाटले वर्सा मंंत्री रवी नायक हांणी धोरण तयार करपा खातीर समिती स्थापन केली. हे समितीन पंचायती, शेतकार संंघटणा हांंचे कडल्यान सुचोवण्यो घेवन धोरण तयार केलां. शेती धोरणाचेर ग्रामसभांंनी चर्चा जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
