भांगरभूंय | प्रतिनिधी
मुंबय, खबरां संस्था: केंद्र सरकाराच्या जीएसटी कपातीच्या निर्णया उपरांत जीएसटी परिशदेन पॅकेज्ड दुदाचेर ५ टक्के जीएसटी आकारणी करचे ना असो निर्णय घेतला. हाचो सरळ फायदो सामान्यांक जातलो. अमूल आनी मदर डेअरी सारकिल्ल्या व्हड ब्रँडांचें दूद आतां सवाय जातलें. २२ सप्टेंबर सावन पॅकेज्ड दुदा वेल्यान जीएसटी ५ टक्क्यां वेल्यान शुन्यार येतलें.
दुदाचे आनी हेर दिसपट्ट्या गरजेच्या वस्तूंचें दर सामान्य मनशाच्या हातांत दवरपाचे यत्न केंद्र सरकारान सुरू केल्यात. म्हारगाय सेगीत वाडिल्ल्याचें दिसता. ह्या वेळार सरकारान पॅकेज केल्ल्या दुदाचेर जीएसटी ५ टक्क्यां वयल्यान ० टक्क्यांचेर हाडला.
सध्या अमलूच्या फूल क्रीम मिल्क (अमुल गोल्ड)ची एका लीटरची विक्री ६९ रुपया जाल्यार टोंड दुदाची विक्री ५७ रुपया लिटर अशी जाता. मदर डेअरीच्या फुल क्रीम दुदाची किंमत ६९ रुपया जाल्यार टोंड मिल्क दुदाची किंमत ५७ रुपया आसा. म्हशीच्या दुदाची एका लीटरची किंमत ७४-७५ रुपया, जाल्यार गायीच्या दुदाची एका लीटरची किंमत ५८-५९ रुपया आसा.
पॅकेज्ड दूद विक्रीचेर जीएसटी कमी केले उपरांत दुदाचें दर ३ ते ४ रुपयांनी उणें जातलें. अमूल गोल्ड आनी मदर डेअरीचें फुल क्रीम दूद ६५-६६ रुपया लिटरान टोंड मिल्क ५४-५५ रुपया दरान मेळ्ळें.
अमूल गोल्ड (फुल क्रीम): एका लीटरची किंमत ६९ रुपयां वेल्यान ६५-६६ रुपयां वयर येतले.
अमूल फ्रेश (टोंड): एका लिटरची किंमत ५७ रुपयांवेल्यान ५४-५५ रुपयां वयर येतले.
अमूल टी स्पेशल: एका लिटरची किंमत ६३ रुपयां वेल्यान ५९-६० रुपयां ययर येतली.
म्हशीचें दूद: एका लीटरची किंमत ७५ रुपयां वेल्यान ७१-७२ रुपया.
गायेचें दूद : एका लिटरची किंमत ५८ रुपयांवेल्यान ५५-५७ रुपया येतले.
मदर डेअरी फुल क्रीम: एका लिटराची किंमत ६९ रुपयांवेल्यान ६५-६६ रुपयां वयर येतली.
मदर डेअरी टोन्ड मिल्कः एका लिटराची किंमत ५७ किंमत ५५-५६ रुपयां वयर येतली.
मदर डेअरी म्हशीचें दूद: एका लिटराची किंमत ७४ रुपयांवेल्यान ७१ रुपयांवेल्यान येतली.
मदर डेअरी गायांचं दूद: एका लिटराची किंमत ५९ रुपयांवेल्यान ५६-५७ रुपयां वयर येतली.
मजगतीं, केंद्र सरकारान जीएसटीचे स्लॅब ४ वयर २ चेर हाडल्या. सध्या ५ आनी १८ टक्के हे दोन स्लॅब आसतले. ह्या निर्णयाची अंमलबजावणी २२ सप्टेंबर सावन जातले. उपरांत दूद उत्पादनांचेर जीएसटी पुरायपणान उणी जातली. हाका लागून सर्वसामान्य गिरायकांक उण्या दरांत दूद मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
