भांगरभूंय | प्रतिनिधी
पणजी : प्रदेश कॉंग्रेस अध्यक्षपदार अमित पाटकार हांकांच दवरचें काय दुसर्या फुडार्या कडेन जापसालदारकी दिवची, हे विशींची चर्चा आयज दिल्लीक एके म्हत्वाचे बसकेंत जातली. कॉंग्रेसीचे तिनूय आमदार, दक्षीण गोंयचे खासदार विरियातो फर्नांडीस, आदले प्रदेश अध्यक्ष गिरीश चोडणकार हे बसकेक हाजीर आशिल्ले. गोंयचे प्रभारी माणिकराव ठाकरे आनी सहप्रभारी अंजली निंबाळकारूय हाजीर आसतले.
दिल्लीक आयज राष्ट्रीय सरचिटणीस के. सी. वेणुगोपाल हांचे वांगडा म्हत्वाची बसका जातली, अशी म्हायती गिरीश चोडणकार हांणी दिली. गोंयचे प्रभारी ठाकरे हे फाटले दोन दीस जाले गोंयांत आसा. गट समित्यो तशेंच कॉंग्रेस पदाधिकार्यां कडेन चर्चा केले उपरांत मंगळारा रातीं ते दिल्लीक गेले. राज्यांत कांय दिसांनी जिल्लो पंचायत वेंचणूक जाता. जिल्लो पंचायती उपरांत र्व भरांत विधानसभेची वेञचणूक जातली. पक्षांतली मरगळ पयस करपा खातीर दूर करण्यासाठी राज्यांत नेतृत्व बदलपाची मागणी जाता. प्रदेश कॉंग्रेस अध्यक्षपदावेल्यान अमित पाटकार हांकां काडून दुसर्या कडेन जापसालदारकी दिवपा विशीं विचार चालू आसात. अध्यक्षपदा खातीर आदले अध्यक्ष गिरीश चोडणकार आनी खासदार विरियातो फर्नांडीस हांच्या नांवाची चर्चा आसा. मात अधिकृत तरेन हे विशीं कसलीच म्हायती दिवंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
