भांगरभूंय | प्रतिनिधी
खबरां संस्था
नवी दिल्ली : ज्येश्ठ अभिनेत्री संध्या शांताराम (87) हांकां 4 ऑक्टोबराक मरण आयलें. तांणी हिंदी आनी मराठी चित्रपट मळार व्हड योगदान दिलां.
संध्या शांताराम हांची कूड परेलाच्या राजकमल स्टुडियोंत निमाण्या दर्शना खातीर दवरतले. शिवाजी पार्कांतल्या वैकुंठ धाम मसुंडेंत तांचे कुडीचेर निमाणे संस्कार करतले.
संध्या शांताराम हांणी आपल्या चित्रपट कारकिर्दीची सुरवात 1951 आपले घरकार व्ही शांताराम हांणी दिग्दर्शीत मराठी चित्रपट भुपाळी वरवीं केल्ली. 1955 त झनक झनक पायल बाजे ह्या संगीत नाटकांत अभिनय केले उपरांत ती लोकप्रीय जाली. नवरंग (1959), दो आँखें बारह हाथ (1957), सेहरा (1963) आनी पिंजरा (1972) ह्या चित्रपटा खातीर संध्याचो उगडास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
