भांगरभूंय | प्रतिनिधी
भांगरभूंय । प्रतिनिधी
शिवोलीः मार्ना- शिवोली ग्रामपंचायत मंडळार सरपंच म्हणून अभय शिरोडकार आनी उपसरपंचपदार मनोरमा गोवेकार हिची निवड केली. शुक्राराक घेतिल्ल्या पंचायत मंडळाचे खाशेले बसकेंत वेंचणुकेचे सोपस्कार जाले. सरपंचपदा खातीर अभय शिरोडकार आनी विलियम फर्नांडीस हाचें उमेदवारी अर्ज आयिल्ले. शिरोडकाराक सरपंच म्हणून वेंचून काडलें. मनोरमा गोवेकाराची उपसरपंचपदार बिनविरोध निवड जाली.
गुडे वाठारांतली उदकाची आनी वीज पुरवणेची समस्या सुटावी करपा खातीर आपूण यत्न करतलो. शिवोलेची आमदार डिलायला लोबो हांच्या वांगडा हांव रावतोलो. पंचायत वाठारांत बेकायदेशीर कामांक थारो दिवचे नात. जे गैरवेव्हार चल्ल्यात ते बंद केल्ले थोड्याच दिसांत लोकांक दिसून येतलें अशें सरपंच म्हणून वेंचून आयल्या उपरांत अभय़ शिरोडकारान सांगलें.
अभय शिरोडकार दोन फावट पंच वांगडी म्हणून वेंचून आयला. पयले फावट फकत एक मतान तो जैतिवंत जाल्लो. दुसरे फावट मात ताका व्हड मताधिक्य मेळिल्लें. पयल्या पांच वर्सांच्या कार्यकाळांत ताका सरपंच जावपाची संद मेळूं ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
