भांगरभूंय | प्रतिनिधी
आसामांत मनीस आनी वाग मदलो संघर्श उणो करपाक ड्रोन सुरक्षा
गुवाहाटी, खबरां संस्था ः आसामाचो चडसो वाठार सद्या उदका पोंदा आसा. अशा वेळार काझीरंगा राश्ट्रीय उद्याना सावन लाओखोवा आनी बुरहाचापोरी वन्यजीव अभयारण्यां मेरेन रॉयल बंगाल टायगर राखीव रान वाठार सोडून भायर सरतात. ते मनशाच्या वसणुकांनी पावतात. जायते वाग वाट चुकतात आनी शेतांत पावतात थंयच ते मागीर रावतात. तशेंच हुंवार आयले उपरांत लेगीत अभयारण्यांतल्यान कांय वाग भायर सरतात. पूण आतां पयलेच खेपे ह्या वागांचेर ड्रोनांनी नदर दवरतले. तांच्या दरेक हालचालीचेर ड्रोनांतल्यान बारीकसाणेन नदर दवरतात अशें रान अधिकारी जयंत डेका हांणी सांगलें. हाका लागून तांच्या हालचालींचेर आदारून लोकांक सावध करप सोंपें जाता. मनीस आनी वाग हांचेमदलो संघर्श उणो करपाचो हेत आसा. वागांचेर ड्रोनां वरवीं सेगीत नदर दवरतले.
आसामांत 227 वाग, दुसरो राखीव वाठारय ना
देशांतलो दुसरो व्हडलो वाग राखीव वाठार म्हळ्यार आसामांतलो मानस राश्ट्रीय उद्यान. शिकार नियंत्रणांत आयले उपरांत आसामांत वागांचो आंकडो नेटान वाडलो. 2022 वर्साचे जनगणने प्रमाण राज्यांत वागांचो आंकडो वाडून 227 जाला. 2006 वर्सा फकत 70 वाग आशिल्ले. संवसारांतले 80% वाग भारतांत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
