भांगरभूंय | प्रतिनिधी
भांगरभूंय । प्रतिनिधी
वास्कोः शांतीनगर हांगच्या श्री विठ्ठल रखुमाई संस्थानान आयोजीत केल्ल्या मुरगांव तालुको पांवड्या वयल्यान जे के पवार यादस्तीक अभंय गायन सर्तीं व्हडलो गट आनी बालगटांत सडा हांगच्या दक्षा सतीश परब आनी रोमा नायक हांणी आपापल्या गटांत पयलो नंबर मेळयलो.
हेर जैतिवंत फुडले भशेन- व्हडलो गट- दुसरें बक्षीस – सुजाता कोरगांवकार (बेलाबाय- वास्को), तिसरें – सिया बाबू उपार्डेकार(नॉनमॉन), उमेद वाडोवपी इनामां- सेजल सगुण नायक( सडा), साईश शिंदे (दाबोळी), संतोष गजानन मोरुडकार ( सडा). वट्ट 14 सर्तकांनी सर्तींत वांटो घेतिल्लो.
बालगट – दुसरें बक्षीस -साईराज गावडे, तिसरें -कुणाल नायक. उमेद वाडोवपी इनामां- क्रिश पेडणेकार, श्रृष्टी च्यारी,धृव योगेश शेट तानावडे.
सर्तींत वांटो घेतिल्ल्यांक प्रशस्तीपत्रकां दिली. सर्तीत विघ्नेश राजाराम सावंत (दाबोळी), शुभम शंकर सावंत (दाबोळी) हांणी संगीतसाथ केली. देवानंद भोसले आनी सुनील नायक हांणी सर्तीचें परिक्षण केलें. इनाम भेटवण कार्यावळीक बायणा रवींद्र भवनाचो अध्यक्ष जंयत जाधव, तशेंच रत्नाकर कांबली, यज्ञेश सातार्डेकार, शुभव सावंत, केतन खोर्जुवेकार, आनी सुरभी संगीत विद्यालयाचे पदाधिकारी आनी विठ्ठल रखुमाई देवस्थानाचे पदाधिकारी हाजीर आशिल्ले, केशव काळे हाणे सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
