भांगरभूंय | प्रतिनिधी
अबुधाबी, खबरां संस्था : अबुधाबीच्या बीएपीएस हिंदू देवळाच्या उक्तावणाचो वेळ आतां लागीं पावला. ताचे खातीर प्रधानमंत्री नरेंद्र मोदी युएईच्या दौर्याचेर आसात. १४ फेब्रुवारीक प्रधानमंत्री नरेंद्र मोदी ह्या देवळाचें उक्तावण करतले. हें देवूळ संयुक्त अरब अमिरातीची राजधानी अबू मुरेखाह शेजारचें पयलें हिंदू देवूळ. युएईचया दुबयंत आनीक तीन हिंदू देवळां आसात. फातराचे वास्तुकलेन तयार केल्लें हें देवूळ ह्या प्रदेशांतलें सगळ्यांत व्हडलें देवूळ थारतलें.
देवळा विशीं
२०१५ त प्रधानमंत्री नरेंद्र मोदींचे पयले भेटी मजगतीं अबुधाबींत देवूळ बांदपा खातीर जमीन दिवपाचो निर्णय सरकारान घेतिल्लो. ३४ वर्सांनी इंदिरा गांधी उपरांत प्रधानमंत्री नरेंद्र मोदीन ह्या म्हत्वाच्या आखाती देशाक भेट दिली. ते नदरेन प्रधानमंत्र्यांची भेट राजनैतिक नदरेन म्हत्वाची मानताले. प्रधानमंत्र्यानी फेब्रुवारी २०१८ त देवळाच्या प्रकल्पाचें उक्तावण केलें आनी डिसेंबर २०१९ त ताचे बांदकाम सुरू जालें. ह्या देवळाचो अभिशेक सुवाळो १४ फेब्रुवारी २०२४ दिसा नियोजीत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
