भांगरभूंय | प्रतिनिधी
कुनार, खबरां संस्था: पुराय अफगाणिस्तानांत, पाकिस्तानाचे शिमे लागसार आशिल्ल्या वाठारांत ६.० रिश्टर स्केलचो भुंयकापाचो धपको बशिल्ल्यान बरेंच व्हड लुकसाण जालां. ह्या भुंयकापांत आतां मेरेन सुमार ६२२ जाणांक मरण आयिल्ल्याचें तालिबान सरकारान सांगलां. जाल्यार आतां मेरेन सुमार ५०० जाण जखमी जाल्ल्याची खबर मेळ्ळ्या.
चड मरणां अफगाणिस्तानांतल्या कुनार प्रांतांत जाल्ल्याचें समजता. हो वाठार दोंगरांनी भरिल्लोआसा.
सध्या मरण आयिल्ल्यांचो आंकडो मुखार आयला. तालिबान सरकारान सांगलें, कुनार प्रांतांत ६१० आनी नांगरहार प्रांतांत १२ अशे मेळून वट्ट ६२२ जाणांक ह्या भुंयकांपांत मरण आयलें.
हॉस्पिटलांत दरेक पांच मिनटांनी एक जखमी दाखल
हो भुंयकाप केंद्र अफगाणिस्तानांतल्या पांचव्या नंबराचें व्हड शार आशिल्ल्या जलालाबादच्यान २७ किमी पयस आसा. हें शार नांगरहार ह्याा प्रांताची राजधानी.
अफगाणिस्तानाची राजधानी काबूल हें शार २०० किमी अंतराचेर आसा. हांगाय ह्या भुंयकापाचे धक्के जाणवले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
