भांगरभूंय | प्रतिनिधी
काबुल, खबरां संस्था ः अफगाणिस्तानांतल्यान एक धक्को दिवपी व्हिडियो मुखार आयलां. हातूंत 80 हजार लोकांच्या गर्दे मुखार फारफेट करुन एका तरणाट्याक ख्यास्त दिली. हातूंत धक्को दिवपी गजाल म्हळ्यार ही फारफेट करुन ख्यास्त 13 वर्सां पिरायेच्या भुरग्यान दिली.
मरणाची ख्यास्त फर्मायल्ल्या तरणाट्याचेर फारफेट करपी भुरग्याच्या कुटुंबांतल्या वांगड्यांची हत्या केल्ल्याचो आरोप आशिल्लो. तालिबान अधिकाऱ्यांनी आरोपीची वळख करून घेतली, उपरांत अफगाणिस्तानच्या सर्वोच्च न्यायालयान ताका गुन्यांवकार थारायलो आनी तालिबानाचो सर्वोच्च फुडारी हिबतुल्लाह हांणी ताच्या मरणाचे ख्यास्तीक मंजुरी दिली. मजगतीं, सोशल मिडियाचेर हे घडणुकेचो भिरांकूळ व्हिडियो व्हायरल जाता. 80 हजार लोकांनी भरिल्ल्या स्टेडियमांत फारफेट करुन भौशीक मरणाची ख्यास्त दिली. फारफेटाच्या आवाजा वेळार धर्मीक घोशणाय आयकूंक येतात.
चल्यान माफी न्हयकारली
मजगतीं, 13 वर्सां पिरायेच्या भुरग्याक विचारले, दोशी थारायिल्ल्या मनशाक तुका माफ करपाचे आसा? पूण त्या भुरग्यान माफ करपाक स्पश्ट न्हयकार दिलो. हाचे उपरांत तालिबान अधिकाऱ्यांनी नागरिकांक भौशीकपणान ह्या मरणाचे ख्यास्तीचे साक्षीदार जावपाक प्रोत्साहन दिलें. हे खातीर बेकायदेशीर नोटीस जारी करून व्हड प्रमाणांत प्रचार केलो.
भौशीक मरणाची ख्यास्त पळोवपा खातीर सुमार 80 हजार लोकांची गर्दी स्टेडियमांत जाल्ली. लोकां मुखार तालिबान अधिकाऱ्यांनी 13 वर्सां पिरायेच्या भुरग्याक पिस्तुल दिवन हत्या करपाचो निर्देश दिलो. थोड्याच वेळात त्या भुरग्यान स्टेडियमांत घातक फारफेट करून आरोपीक मारलें. तालिबानच्या सर्वोच्च न्यायालयान मरणाची ख्यास्त दिल्ल्या मनशाची वळख तलाह खानाचो पूत मंगल अशी केल्या. अब्दुल रहमान हाच्या खून प्रकरणांत मंगलाक दोशी थारायिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
