भांगरभूंय | प्रतिनिधी
विश्वजीत राणेः बालभवनाच्या अपना घर मेरशीच्या उपकेंद्राचें उक्तावण
भांगरभूंय । खबरां मेज
पणजीः मेरशेंच्या अपना घरांतल्या भुरग्यांचे सर्वांगीण उदरगती खातीर सदांच आदार करपाचें उतर भलायकी मंत्री विश्वजीत राणे हांणी दिलें. तशेंच बालभवनान अपना घरा खातीर केंद्र उपलब्ध करून दिल्ले खातीर संचालक दयानंद चावडीकार हांचे उपकार मानले.
बालभवनाच्या अपना घर मेरशेंच्या उपकेंद्राचें उक्तावण केले उपरांत मंत्री राणे उलयताले. ह्या वेळार महिला बाल कल्याण खात्याची संचालक दीपाली नायक, बालभवनाचे संचालक दयानंद चावडीकार, महिला बाल कल्याण खात्याची उपसंचालक ज्योती देसाय, अपना घर मेरशीचे उपसंचालक गिरीश सावंत, अपना घर मेरशींची अधिक्षक परिविक्षा अधिकारी सुमेधा बेलोकार आनी हेर पदाधिकारी हाजीर आशिल्ले.
मंत्री राणे हांच्या विशेश यत्नांक लागून बालभवन उपकेंद्र अपना घराक मंजुरी मेळ्ळी. अपना घरांतल्या भुरग्यांनी ह्या उपकेंद्राचो लाव घेवचो, असो उलो दयानंद चावडीकार हांणी मारलो. तशेंच बालभवनाच्या विवीध वावराची म्हायती दिली.
ह्या वेळार दीपाली नायक आनी गिरीश सावंत हांचींय उलोवपां जालीं.
ह्या वेळार अपना घरांतल्या भुरग्यांनी सांस्कृतीक कार्यावळ सादर केली. बालभवनाचे प्रशिक्षक महेश गांवस हांणी सुत्रसंचालन केलें जाल्यार सुमेधा बेलोकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
