भांगरभूंय | प्रतिनिधी
नवी दिल्ली, खबरां संस्था:
केन्नाय रस्त्यार अपघात जालो जाल्यार हेर वाहन चालक अपघात पळोवन लेगीत थंय रावनासतना आपापल्या मार्गान वतात. जायते जाण आपलो वेळ पिड्ड्यार जातलो म्हणून अपघातांत बळी पडपी लोकांक मजत करपाक रावनात. कांय जाण अपघाताची म्हायती पुलिसांक लेगीत दिनात. पुलीस आपल्या कडेन चवकशी करीत बसतले, तांचो मनःस्ताप सोंसचो पडटलो, ह्या अपघातांत पुलीस आपल्याकूच आडटून दवरतले अश्या जायत्या कारणांक लागून लोक अपघात जाल्ल्यांक मजत करपाक वचनात. लोकांची ही संवय बदलपा खातीर आनी तांका माणुसकी दाखयत अपघातग्रस्तांची मदत करपाक प्रवृत्त करपा खातीर केंद्रीय मंत्री नितीन गडकरी हांणी म्हत्वाचो निर्णय घेतला. कोणेंय अपघात जाल्ल्यांची मजत केल्यार केंद्र सरकार तांकां आतां २५ हजार रुपया इनाम म्हणून भेटयतलें. देशांत सुरक्षीत प्रवास चालीक लागचे खातीर आनी अपघात जाल्ल्यांक रोखडीच मजत मेळची आनी ताचो जीव वाटोवचे खातीर केंद्रीय रस्ते येरादारी आनी महामार्ग मंत्रालयान हो निर्णय घेतला.
केंद्रीय मंत्री नितीन गडकरी हांणी म्हणलें, रस्त्यार अपघातांत जखमी जाल्ल्यांक रोखडेंच हॉस्पिटलांत व्हरपी लोकांक लोकांक सरकार इनामाची रक्कम २५ हजार रुपया मेरेन वाडयतलें. सध्या ही रक्कम पांच हजार रुपया आसा. म्हळ्यार इनामाचे पयशे पांच पटींनी वाडटले.
नितीन गडकरी हांणी कितें म्हणलें?
रस्तो सुरक्षे विशीं बॉलिवूड अभिनेते अनुपम खेर हांचे वांगडा एका टीव्हीवेले कायारवळींत उलयतना गडकरी हांणी म्हणलें, हांवें रस्ते वाहतूक मंत्रालयाक बक्षिसाची रक्कम वाड निर्देश दिल्यात. आतांय अशे तरेचें इनाम दितात. मात, त्या इनामांची रक्कम खूब उणी आसा. अपघात जाल्ल्यांक हॉस्पिटलांत व्हरपी मनशाक ५,००० रुपया इनाम म्हणून दितात. मात हांवें रक्कम वाडोवपाचे निर्देश दिल्यात. रस्त्याचेर कोणेंय अपघात पळयल्यार एका वरा भितर अपघात जाल्ल्या मनशाक हॉस्पिटलांत व्हरपी मनशाक हें इनाम भेटयतले.
लोक अपघात जावपी मनशांची मजत कित्याक करिनात?
जायते फावट हिट अँड रन प्रकरणांत पुलिसांक साक्षीदार मेळना. अशे स्थितींत ज्या मनशान पुलिसांक ह्या अपघाताची म्हायती दिल्ली आसता त्याच व्यक्तीक साक्षीदार करपाचो यत्न करतात. रस्ते अपघातांतल्या पिडेस्तांक मजत करपी पुलिसांच्या कायदेशीर कार्यवाहीचो भाग जातात. हातूंत ताञचो बरोच वेळ वता, तशेंच तांकां बरोच मनःस्ताप सोंसचो पडटा. हाका लागून जायते जाण पुलिसांक अपघाताची म्हायती दिनात. कांय घडणुकांनी अपघात जावप्यांची मजत करपी मनशाक ह्या अपघात प्रकरणांत घुस्पोवन धमकी दिवन साक्षीदार करपाचो यत्न करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
