भांगरभूंय | प्रतिनिधी
मडगांव : अन्न आनी वखदां खात्यान वार्का आनी केळशी हांगा तपासणी मोहीम राबयली. ह्या वेळार नितळसाण नाशिल्ल्या आनी गरजेचो परवानोय नाशिल्ल्या स रेस्टोरंटांचेर कारवाय केली. तशेंच णव काजू विक्री दुकानांतल्यान सुमार ११ हजारांचो एक्सपायरी माल जप्त केलो.
दक्षीण गोंय अन्न आनी वखदां खात्याच्या पंगडान सोमारा केळशी आनी वार्का वाठारांतल्या रेस्टोरंट आनी दुकानांचें वॅरिफिकेशन केलें. रेस्टोरंटांतले नितळसाणेचो उणाव आनी गरजेचीं कागदपत्रां सादर करूंक नाशिल्ल्यान स रेस्टोरंटांचेर कारवाय करीत तपासणी अहवाल दिलो. गरजेचे परवाने घेवपाक सांगले.
तशेंच णव काजू दुकानांची तपासणी केली. ते निर्धारीत मर्यादे परस चड उलाढाल आसूनय फकत नोंदणी सयत कार्यरत आशिल्ले. तांकां गरजेच्या एफएसएसएआय परवान्यां खातीर अर्ज करपाचे निर्देश दिले. तपासणे खातीर कांय नमुने दिले. तशेंच ११,७४५ रुपयांचे एक्सपायरी जाल्ले खावपाचे जिन्नस जप्त केले. सिगार ओडपाक निशेध करपी तखटो लावंक नाशिल्ले खताीर दोन कोटपा कायद्या प्रमाण चलन जारी केलें. भौशीक भलायकेची राखण करपाक आनी अनुपालन अंमलबजावणी करपाक ह्यान फुडेंय कारवाय सुरू उरतली अशें सांगलें.पाक आनी अनुपालन अंमलबजावणी करपाक ह्यान फुडेंय कारवाय सुरू उरतली अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
