भांगरभूंय | प्रतिनिधी
भांगरभूंय । प्रतिनिधी
दिवचलः मयें मतदारसंघाचो आदलो आमदार तशेंच आदलो सभापती सर्गेस्त अनंत विष्णू शेट हाचे यादस्तीक मयेंचो सध्याचोआमदार प्रेमेंद्र शेट हाणे मयें मतदारसंघा खातीर अॅम्बुलन्स सेवा सुरू केल्या. ताचें लोकार्पण स. अनंत शेट हांची घरकान्न अनुराधा शेट आनी प्रेमेंद्र शेट हांचे हस्तुकीं केलें. ह्या वेळार चोडणची सरपंच सुवर्णा चोडणकार, सुफला चोपडेकार, शंकर चोडणकार, महेश सावंत, दयानंद कारबोटकार, अंकिता न्हावेलकार, प्रियवंदा गांवकार, मतदारसंघातल्या पंचायतीचे सरपंच, भाजप कार्यकर्ते आनी ग्रामस्थ हाजीर आशिल्ले.
अनंत शेट हांणे मयें मतदारसंघाचे उदरगतीक चालना दिली. मयें मतदारसंघांतल्या लोकां खातीर अॅम्बुलन्स उपलब्द करून दिवपाची तांची इत्सा आशिल्ली. डॉ बाबासाहेब आंबेडकर हाचे जयंती दिसा आमी ती पुराय करतात अशें प्रेमेंद्र शेट हाणे ह्या वेळार सांगलें. मयांतल्या गांवगिऱ्या वाठारांत अॅम्बुलन्स सेवा सुरू केल्ले खातीर लोकांनी प्रेमेंद्र शेट हाच्या ह्या कामाची तोखणाय केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
