भांगरभूंय | प्रतिनिधी
भांगरभूंय । प्रतिनिधी
मडगांवः लायन्स क्लब ऑफ अलेम डी मडगांवचो 46वो स्थापणूक दीस हाचींच जालो. मडगांवची वास्तुविशारद अदिती कोरगांवकार हिणे हे कार्यावळीत 2023-24 वर्सा खातीर क्लबाची अध्यक्ष म्हणून सूत्रां हातांत घेतली. समाज कल्याण मंत्री सुभाष फळदेसाय दैवद्य भवनात जाल्ले हे कार्यावळीक मुखेल सोयरे म्हणून हाजीर आशिल्ले. वेवसायिकां मदीं समाजा विशीं सामाजीक बांदिलकी आसपाक जाय अशें ताणे सांगले. लायन्स क्लबाच्या माध्यमांतल्यान जावपी वावराची ताणे तुस्त केली.
आपल्या अध्यक्षीय भाशणात अदिती कोरगांवकार हिणे लायन्स क्लबाच्या वावरांत तरणाट्यांक आसपावन घेवपाचेर आपलो भर आसतलो अशें सांगलें. कोविड उपरांतचे परिस्थिती सामाजीक अपुंगळपण तयार केलें आनी फकत सामूहिक यत्नांनी आमी समाजाची परत बांदणी करपाक शकतात अशेंय तिणे सांगलें. ह्या वेळार सुषमा वेंगुर्लेकार हिणे क्लबाची सचीव म्हणून आनी इव्होन रॉड्रिग्ज हिणे भांडारी म्हणून सोपूत घेतलो. जयमोहन नायक हांणी नव्या संचालक मंडळाक पदाचो सोपूत दिलो. लायन्स क्लब ऑफ सालसेतच्या सहकार्यान कार्यावळीचें आयोजन केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
