भांगरभूंय | प्रतिनिधी
भांगरभूंय । खबरां मेज
पणजी : भारताची सगळ्यांत व्हडली मुळाव्या साधनसुविधांची कंपनी ‘अदानी समुहा’न फाटल्या बारा म्हयन्यांच्या (टीटीएम) ईबीआयटीडीए वांगडाच क्यू 3 अर्थीक वर्स 25 खातीर आपली अर्थीक कामगिरी जाहीर केल्या. रु. 86,789 कोटी रुपया इतली विक्रमी ‘टीटीएम ईबीआयटीडीए’ची (Earnings Before Interest, Taxes, Depreciation and Amortization) नोंद केल्या, जी इयर आॅन इयर (व्हायओव्हाय) 10.1 टक्क्यांनी वाड आसा.
अदानी समुहाच्या पत्रका प्रमाण, कंपनीन वित्तीय वर्स 20 ते 22 मदल्या वाडीच्या काळा सारकीच उच्च भांडवल खर्च (कॅपेक्स) टप्प्या खातीर आपली येवजण मांडल्या. कंपनी वेगवेगळ्या क्षेत्रांनी मुळाव्या साधनसुविधां वाडोवपाक लागल्या.
अदानी पोर्टफोलियोची अर्थीक कामगिरी ताच्या मुळाव्या साधनसुविधा वेवसायांक लागून तिगून उरल्या, जातूंत अदानी एंटरप्रायझ लिमिटेड (एईएल) खाला उपयुक्तताय, येरादारी, आनी मुळाव्या साधनसुविधा उद्देगांचो आस्पाव जाता.
ह्या विभागांनी वट्ट ईबीआयटीडीएंतल्यान 84 टक्के योगदान दिलें, जाका लागून भारताची मुळावी बांदावळ पर्यावरण यंत्रणा घटमूट करपाचेर समुहान लक्ष केंद्रीत केलां.
पोर्टफोलियो एबीआयटीडीए 25 वर्साच्या तिसरे तिमाहींत 17.2 टक्क्यांनी वाडून 22,823 कोटी रुपया जालो, जाल्यार टीटीएम तत्वाचेर फकत मुळाव्या साधनसुविधा विभागांतल्यान 72,795 कोटी रुपया मेळ्ळे, जी 10 टक्क्यांनी वाड (व्हायओव्हाय) आसा.
घटमूट ताळेबंद (बॅलन्स शीट) आनी भरपूर तरलताय (लिक्विडीटी) आशिल्ल्यान अदानी समुहान घटमूट अर्थीक स्थिरताय निश्चीत केल्या. 30 सप्टेंबर 2024 मेरेन कंपनीन 53,024 कोटी रुपयांची रोख शिल्लक दवरल्या आनी फुडल्या 12 म्हयन्यां खातीर उण्यांत उणें रिणाची सेवा करपाची बंधनां पुराय केल्यांत.
ते भायर ह्या गटाचो मालमत्तेचो आदार (अॅसेट बेस) 5.53 लाख कोटी रुपया आशिल्लो, जो वित्तीय वर्स 24 च्या निमाणे परस 75,277 कोटी रुपया चड आसा, जाल्यार ताचें निव्वळ रिण- एबीआयटीडीए प्रमाण 2.46x इतलें उरलें.
अदानी एंटरप्रायझेस लिमिटेड (एईएल) वाडीचो मुखेल घटक आसा. 2025 वर्साचे तिसरे तिमाहीत एबीआयटीडीए 15.6 टक्क्यांनी वाडून 4,243 कोटी रुपया जाला.
कंपनीन पात्र संस्थात्मक प्लेसमेंट (क्यूआयपी) वरवीं 4,200 कोटी रुपया (50 कोटी अमेरिकी डॉलर) येसस्वीपणान उबे केले, जाका लागून येवपी मुळाव्या साधनसुविधा उदरगती खातीर आपली अर्थीक स्थिती घटमूट केली. तांच्या नवीकरणीय (रिन्यूएबल) उर्जा फांटो आशिल्ले अदानी न्यू इंडस्ट्रीज लिमिटेड (एएनआयएल) कंपनीन सौर मॉड्यूल विक्रींत व्हायओव्हायंत 74 टक्क्यांनी वाड करून ती 3,273 मेगावॅट मेरेन पावल्या.
ते भायर अदानीच्या विमानतळ वेवसायांत वर्साक वर्साक 7 टक्क्यांनी वाड जावन प्रवाशांचें यो- वच 6.97 दशलक्ष जाल्या, जाल्यार ताच्या डेटा सेंटराचे कार्यावळींत हैदराबाद फेज 1 (9.6 मेगावॅट क्षमता) कार्यरत जाली, नोएडा (50 मेगावॅट) आनी हैदराबाद (48 मेगावॅट) पुराय जावपाचे वाटेर आसा.
समूहाच्या नवीकरणीय उर्जा महत्वाकांक्षेंत मुखेल कंपनी अदानी ग्रीन एनर्जी लिमिटेडान (एजीईएल) आपली कार्यक्षमताय 37 टक्क्यांनी वाडोवन व्हायओव्हायक 11.6 जीडब्ल्यू केल्या. कंपनीन हालींच महाराष्ट्र राज्य वीज वितरण कंपनी लिमिटेड (एमएसईडीसीएल) कडेन 25 वर्सां खातीर 5 जीडब्ल्यू सौर उर्जेची पुरवण करपा खातीर वीज खरेदी करार (पीपीए) मेळयला आनी ताका लागून ताच्या टिकावूपणाच्या कामांत आनीक एक येश जोडलां.
मजगतीं, अदानी एनर्जी सोल्युशन्स लिमिटेड (एईएसएल) कंपनीन क्यूआयपी वरवीं 1 अब्ज डॉलर जमयले आनी पांच नवे प्रसारण प्रकल्प मेळयले, जाका लागून आतां 54,700 कोटी रुपया आशिल्ल्या मुळाव्या साधनसुविधेचो विस्तार जाला. जो वित्तीय वर्स 24 च्या निमाणे कडेन आशिल्ल्या पातळे परस तीन पटींनी चड आसा.
समुहाच्या उपयुक्तताय विभागांत मुखेल योगदान दिवपी अदानी पॉवर लिमिटेड कंपनीन वित्तीय वर्स 2025 चे तिसरे तिमाहींत वर्साक 21.4 टक्क्यांनी प्रभावी वाड जावन ती 6,078 कोटी रुपया मेरेन पावल्या.
कंपनीचो एकत्रीत प्लांट लोड फॅक्टर (पीएलएफ) फाटल्या वर्साच्या त्याच काळांत 62 टक्क्यां वयल्यान 9 एमएफवाय 25 खातीर 69 टक्क्यां मेरेन सुदारलो आनी विक्री वर्साक 22 टक्क्यांनी वाडून 69.5 अब्ज युनिटांचेर पावली. अदानी टोटल गॅस लिमिटेड कंपनीनय कार्यक्षमताय वाडयली आनी तातूंत 58 नवे सीएनजी केंद्र जोडले आनी आतां वट्ट संख्या 605 जाल्या. सीएनजीचें प्रमाण 19 टक्क्यांनी वाडलें, जाल्यार पीएनजी घरगुती जोडणी 9.22 लाखां मेरेन वाडली, तशेंच 26 राज्यांनी आनी केंद्र शासित प्रदेशांनी 1,914 ईव्ही चार्जिंग पॉयंट स्थापन केल्यात.
अदानी पोर्ट्स अँड सेझ लिमिटेड (एपीएसईझेड) कंपनीन भारतांतलो सगळ्यांत व्हडलो वेपारी बंदर संचालक म्हूण आपली सुवात तिगोवन दवरली, 9 एमएफवाय 25 वर्सा 332 दशलक्ष मेट्रीक टन (एमएमटी) माल हाताळ्ळा आनी जी आदले वर्सा परस 7 टक्क्यांनी चड आसा. कंटेनरांच्या प्रमाणांत 19 टक्क्यांनी वाड आनी बल्क कार्गो शिपमेंटांत 13 टक्क्यांनी वाड जाल्ल्यान ही वाड जाल्या. कंपनीच्या लॉजिस्टीक फांट्यानय 0.48 दशलक्ष वीस फूट समतुल्य युनिट (टीईयू) कंटेनर खंड हाताळ्ळे, जें 9 टक्क्यांनी वाडिल्ल्याचें दिसून येता.
एसीसी आनी अंबुजा सिमेंट्स हांचो आस्पाव आशिल्ल्या अदानी सिमेंट लिमिटेड कंपनीन बरी कामगिरी केल्या, क्लिंकर आनी शिमीट विक्रीचें प्रमाण 9.3 टक्क्यांनी वाडून 46.6 एमएमटी जालां. कंपनी नेटान आपली क्षमता वाडयता, जी 21 एमटीपीए मेरेन जावपाची आसा. मार्च 2025 मेरेन अदानी शिमीटाची वट्ट क्षमता 104 एमटीपीए मेरेन पावपाची अपेक्षा आसा, तातूंत हालींच मेळिल्ल्या ओरिएंट शिमीटांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
