भांगरभूंय | प्रतिनिधी
चड उश्णताय मनशाचे भलायकेचेर परिणाम करताच, मात ती तुमच्या स्मार्टफोनाकूय धोक्याची थारूंक शकता. तापमान वाडत वता तसो फोन नेटान तापपाक लागता. हाका लागून ताचे कार्यक्षमतेक परिणाम जाता, बॅटरी सोंपता आनी केन्ना केन्नाय डिवायज अचकीत बंद जावपाक शकता. सेगीत चड गरम जाल्यार फोन कायमचो बंद जावपाक शकता. अशे परिस्थितींत ह्या उमाळ्यांत तुमचो स्मार्टफोन चड गरम जावचो न्हय म्हूण कांय खाशेली जतनाय घेवप गरजेचें आसा.
गिमाळ्यांत फोन सरळ सुर्याच्या उजवाडांत वा गरम सुवातेर (देखीक गाडयेच्या डॅशबोर्डाचेर) दवरल्यार स्मार्टफोनाचें तापमान नेटान वाडूंक शकता. चार्जींग करतना फोन पयलींच गरम जाता. अशे परिस्थितींत, जर तुमी ते वापरले जाल्यार ते चड उश्णताय निर्माण करता. हें चड वेळ केल्ल्यान फोन चलप ल्हव ल्हव उणो जावपाक शकता.
चार्जिंग करतना फोन कपड्या पोंदा दवरूं नाकात
फोन चार्ज जातना भितर उष्णताय निर्माण जाता. जर तुमी ह्या काळांत मोबायल ब्लँकेट, बॅग वा बंद बॉक्सांत दवरल्यार उश्णताय भायर पाडपाक शकना. अशे परिस्थितींत फोन चड गरम जावपाक शकता. जें तांच्या कामा खातीर आनी बॅटरे खातीर लुकसाणाचें थारतलें.
बॅकग्रावंड ऍप्स बंद करात
जायते फावटीं आपण लक्ष दिनासतना एकाच वेळार जायते ऍप्स उगडटा, जे बॅकग्रावंडांत सेगीत चालूच उरतात. हे ऍप्स फोनाच्या प्रोसेसर आनी रॅमाचेर चेंपडण हाडटा, जाका लागून डिव्हायज गरम जाता. म्हणून, वेळार मल्टीटास्किंग स्क्रीन तपास आनी गरजेचे नाशिल्ले ऍप्स रोखडेच बंद करात.
बॅलन्स्ड मोड निवडात
फोन हाय परफॉर्मन्स मोडांत रोखडेंच काम करता, मात तो चड उश्णतायूय निर्माण करता. गिमाळ्यांत फोन चड गरम जावचो न्हय, म्हणून संतुलीत वा पॉवर-सेव्हिंग मोड बरे आसतात.
फोनाचें कव्हर जाड नासचें
जाड फोन कव्हर डिव्हाइसची उश्णताय भायर वचपाक दिना. हाका लागून फोन रोखडोच गरम जावपाक शकता. जर फोन चड गरम जाता जाल्यार ताचें कव्हर काडात वा हलकें आनी वारो वचपी केस वापरात. गिमाळ्यांत, सिलिकॉन वा हलकें प्लास्टिक कव्हर हो एक बरो पर्याय आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
