भांगरभूंय | प्रतिनिधी
आनंद हांगाच्या लाल बहादुर शास्त्री स्टेडियमांत सुरू जाल्ले 19 वर्सां पिराये सकयले कूच बिहार करंड मॅचीच्या पयल्या दिसा गोंय पंगडान अरुणाचल प्रदेशा आड पयल्या डावांत 119 धांवड्यांची आघाडी घेतली. ओपनर वीर यादवान आकर्शक शेंकड्याची नोंद केली. ताणें 141 बॉलांनी 110 धांवड्यांची खेळी. ताणें 16 चवके मारले.
ते पयलीं टॉस जिखून पयलीं बॅटींग करपाचो अरुणाचल प्रदेशाचो निर्णय चुकीचो थारलो. कसवणकार भावांनी ताचो डाव फक्त 99 धांवड्यांचेर सोंपयलो. यश कसवणकार आनी दीप कसवणकार हांणी दरेकी चार विकेटी घेतल्यो.
धांवड्यांक प्रत्युत्तर दितना गोंयान पयल्या दिसाचो खेळ सोंप मेरेन 7 विकेटी वगडावन 218 धांवड्यो केल्ल्यो. यश कसवणकार 37 धांवड्यो करून खेळपट्टीचेर आसा. ताणें पयलीं वीर यादवा वांगडा पांचवे विकेटी खातीर म्हत्वाची 83 धांवड्यांची भागिदारी केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
