भांगरभूंय | प्रतिनिधी
प्रो. वामन नायक हांच्या अर्थशास्त्रीय कोंकणी शब्दकोशाचे प्रकाशन
पणजीः कोंकणीतल्यो कथा, कादंबरी तशेच हेर साहित्य हेर भाशांनी अणकारींत जावपाक लागलां. हेर भाशांतले साहित्य कोंकणींत अणकारीत जावपाक लागलां. अणकाराच्या माध्यमान संवसाराचेर राज्य करपाची तांक कोंकणींत आसा, अशें केरळ साहित्य अकादेमीचे सचीव पी. राधाकृष्णन हांणी सांगलें.
प्रो. वामन नायक हांच्या कोंकणी अर्थशास्त्रीय शब्दकोशाचें प्रकाशन जालें. प्रकाशना उपरांत मुखेल सोयरे ह्या नात्यान ते उलयताले. कोंकणींतलें साहित्य मल्याळम भाशेंत मोट्या प्रमाणाचेर अणकारीत जावपांक लागलां. कोंकणी हें आमचें दायज आसा. केरळांत पसून कोंकणीचो वापर जाता. शब्दकोश तशेंच हेर उपक्रमांचो फुडाराक व्हड प्रमाणांत लाव जातलो, अशें तांणी सांगलें.
शब्दकोश हो भाशेची उदरगत तशेच भाशेच्या अभ्यासा खातीर पुरक थारता, अशें प्रो. वामन नायक हांणी सांगलें.
गोवा कोंकणी अकादेमीचो स्थापना दीस सोमारा मनयलो. ह्या वेळार साहित्य अकादेमी पुरस्कार फावो जाल्ले डॉ. प्रकाश पर्येकार हांचो भोवमान जालो. कोंकणी शिकपी विद्यार्थ्यांक फुडाराच्यो संदी ह्या विशयाचेर डॉ. भूषण भावे हांचें भाशण जालें. भोवरंगी वावर आनी भोवरंगी कळाशी ह्या विशयाचेर सुयश गावणेंकार हांचें भाशण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
